Popular Bible Verses from Mathiu 18

Share

kotȧy-e, ro ŋarǝŋ thalɔm asas-e mǝ aŋ gbanɛ dɛr rɔkin ka ȧŋes a mi-e, rǝ i yi kǝtɔŋ ka ŋaŋ.

I kanɛ nu sɔ, bepi ŋarǝŋ kǝtɔŋ ka nu aŋ ba dim din ka ȧdȧru ta tȧy o tȧy ȧtȧ mǝ nǝ yif-e, ɔKas kȧmi ɔwe yi ro riyana ɔ tǝ yɔna nu ti.

kɔ tela uwath ulɔl ro ŋɔŋ, ɔ tǝmǝr kɔ kǝtɔŋ ka ŋaŋ, kɔ pa, Tɛntɛnɛ i kanɛ nu, Thambe nǝ lȧfthi ɛmerȧ ɛ nu-e, nǝ sǝkɛ mɔ afɛth alɔl-e, nǝ gbǝli hɛ wɔŋ ka rȧbȧy ra ro riyana.

Tiyȧŋ wuni o wuni ɔwe mǝ sanɛ mɔ ɔwath ulɔl ɔwe-e, kɔnɔ tha yi ubana ka rȧbȧy ra ro riyana.

Ɔwa bepi wuni o wuni ɔ malanɛ uwath ulɔl ukin uwunɔŋ ka ȧŋes a mi-e, minɛ ɔ malanɛ.

Tǝ tɛntɛnɛ i kanɛ nu, rǝka o rǝka ara mǝ nǝ sek nɔru rǝ tǝ yi rǝsek ro riyana, ɔwa rǝka o rǝka ara mǝ nǝ sǝli ka ȧdȧru-e rǝ tǝ yi rǝsǝli ro riyana.

Ya ɔKas kȧmi ro riyana mǝ ɔ yɔ nu sɔ bepi naŋ bɛ nǝ tera hɛ wuni o wuni ɔwɔnt kɔŋ ka ɛmerȧ ɛ nu.

Kɛrɛ bepi wuni o wuni ɔ yɔ ukin ka aŋlɔl aŋe aŋa lanɛ mi ɔ pǝnthbǝla-e, pǝ tǝ yi kɔ fisa bepi a gbak kɔ ȧsar ȧgbɔlȧ ȧbana ka kalim kɔŋ, a mɔtas kɔ ka ɔbɔlɔŋ wa kȧbȧŋ.

To nǝ nanɛ-e? Bepi wuni ɔ ba tǝlɔmɛ kɛmɛ kin, ɔwa ukin ka ŋaŋ ɔ sɔkar-e, ɔ tey hɛ antǝgba tanlɛ tɔfɔt tamthǝrɛŋanlɛ, ɔ kɔnɛ ka tȧteŋ tǝ kǝthɛns ɔwe sɔkar-i?