Popular Bible Verses from Mathiu 19

Share

Ka Yisɔsȧŋ ɔ kǝli ŋa tǝŋ, kɔ pa, Ka afǝm aŋfɔsɔ ŋati aŋ yi hɛ, kɛrɛ ka Kuru aŋfɔsɔ ŋati bɛ aŋ yi.

Tiyȧŋ aŋ yi hɛ sɔ ŋarǝŋ kɛrɛ ukin. Ɔwa ȧrȧ Kuru ɔ po tɔsa der ɔkin-e, tȧ wuni ɔ te ri tɔsi.

kɔ wosa ɔ pa ro ŋaŋ, Nǝ tha karaŋ hɛ kǝpa kɔnɔ ɔwe bɛmpa ŋa kǝbi ka ɔtǝpɛr ɔ bɛmpa ŋa uruni dɛ yi ubɛra-i? kɔ pa, Ta ȧŋsabu aŋe wan duni mǝ ɔ tey ɔkas kɔŋ yi ɔkara kɔŋ, ɔ gbapsa ɔrani kɔŋ; ɔwa ŋa ŋarǝŋȧŋ aŋ sǝkɛ adɛr ŋin-i?

Kɛrɛ Yisɔsȧŋ ɔ pa, Ter aŋfɛth kȧmȧ aŋ der ro mi, te nu bɛnt ŋa, kotȧy-e, awunɔŋ ŋa ba rȧbȧy ra ro riyana.

Kɛrɛ agbȧthi aŋa yi ȧtɔtɔkɔ aŋ tǝ yi alǝpsɔ. Ɔwa aŋa yi alǝpsɔ aŋ tǝ yi ȧtɔtɔkɔ.

Ɔwa wuni o wuni ɔwe po tey ɛseth, thalɔm awɔnt aruni, thalɔm awɔnt abɛra, thalɔm ukas, thalɔm ukara, thalɔm urani, thalɔm awuth, thalɔm tǝthɔf salata ȧŋes a mi-e, ɔ tǝ bȧr sɔthɔ mɔlɔ ma kǝtǝma kɛmɛ kin, ɔwa ɔ tǝ sɔthɔ sɔ aŋesǝm thǝbana.

Ka Yisɔsȧŋ ɔ pa ro ŋɔŋ, Bepi mǝ yema yi ugbenthis-e, kɔnɛ mǝ thila ara mǝ ba, ɔwa mǝ sɔŋ ȧŋmɔnɛ. Mǝ tǝ ba kɛŋ ro riyana, ɔwa der, mǝ tȧŋ mi.

Ka Yisɔsȧŋ ɔ pa, kɔyɛŋ mǝ mǝ bont mi ufinɔ-e? Ukin gbo kɔnɔ yi ufinɔ, kɔnɔ yi mɔ Kuruȧŋ. Kɛrɛ bepi mǝ yema wɔŋ ka aŋesǝm, wop ɛthɔ.

I kanɛ nu sɔ, tȧy tǝyai tȧŋ ta ȧyɔkmɛ tǝ kǝsɔnthɔs rafɔr ra ȧŋsɛni, pǝthasi uyola tǝ kǝwɔŋ ka rȧbȧy ra Kuru.

Ɔwa i kanɛ nu, wuni o wuni ɔwe mǝ ter ɔrani kɔŋ, thambe ta ȧŋsabu ŋa kǝrǝp, ɔ kȧl nȧntȧ ulɔm-e, ɔ yɔ kǝrǝp. Kɔnɔ sɔ ɔwe mǝ nȧntȧ ɔbɛra ɔwe a ter-e, ɔ yɔ kǝrǝp.

Ka Yisɔs ɔ pa ka aŋkarande ŋɔŋ, Tɛntɛnɛ i kanɛ nu, tȧy tǝbaki mǝdɛr tȧŋ ta uyola tǝ kǝwɔŋ ka rȧbȧy ra ro riyana.