Popular Bible Verses from यूहन्‍ना 19

Share

जैहणै यीशुऐ सो सिरका लैऊ, ता बल्लू, “पुरा भुआ” अतै मुण्डा झुकाई करी तूणा बलदै ही प्राण निकळी गै।

ऐत थऊँ बाद यीशुऐ ऐह जाणी करी कि अबै सब कुछ पुरा भूच्ची गो हा, ठेरैतांये पवित्रग्रन्था मन्ज जैडा हा सो पुरा भोआ, बल्लू, “अऊँ त्रिहणा हा।”

जैहणै यीशुऐ अपणी माता, अतै तैस चेलै जो जैस सोगी यीशु प्‍यार रखदा थू नेड़ै खडुरै हेरू ता अपणी माता सोगी बल्लू, “हे जनानी, हेर, ऐह तेरा पुत्र हा।” ता तिनी चेलै सोगी बल्लू, “ऐह मेरी माता हा।” अतै तैस टैमां थऊँ सो चेला तैहा जो अपणै घरा जो लेई गो।

पर जैहणै यीशु बलै ईच्ची करी हेरू कि सो मरी गच्छुरा हा, ता तसेरी जन्गा ना भनी। पर सपाई मन्ज अक्कीयै बरछे सितै तसेरी प्रहि बिन्नि, अतै तैत मन्ज झट खून अतै पाणी निकळू।

ऐह गल्ला ठेरैतांये भूई कि पवित्रग्रन्था मन्ज जैडा बलुरा हा सो पुरा भोआ, “तसेरी कोई हड्डी ना त्रोड़णी हा।” पवित्रग्रन्थ मन्ज अक्की होरी जगह ऐह लिखुरी, “जैसियो तियैं बिन्‍नुरा, तैस पुर तंयारी नजरा भूणी हिन।”

ता सपाई यीशु जो लेई गै, अतै तिनी अपणा क्रूस चुकुरा थू, सो तैसा जगहा तक बाहर गो, जैड़ी “खोपड़ी री जगह” या इब्रानी भाषा मन्ज जैतियो गुलगुता बलदै हिन।

सपाई कण्ड़ै रा मुकुट बणाई करी तसेरै मुण्डा पुर रखू, अतै तैसिओ बैंगणी रंगा रै ओढण लगाये