Popular Bible Verses from युहन्ना 19

Share

सिरकै च़ाखी करै बोलअ तेऊ इहअ, “पूरअ हुअ” और मुंडकी ढोल़ी शोटै ईशू प्राण। (लुका 23:46मरकुस 15:37)

तेखअ ईशू ज़ांऊं थोघ लागअ कि सोभ गल्ला गई ऐबै हई, ईशू बोलअ, “मुंह आई चिशै” इहअ हुअ तै कि पबित्र शास्त्रा दी लिखी दी गल्ला पूरी होए।

ज़ांऊं ईशू आपणीं आम्मां और आपणअ च़ेल्लअ ज़हा संघै ईशू झ़ूरी करा त, तिधी खल़ै भाल़ै, ईशू बोलअ आपणीं आम्मां लै, “हे आम्मां, भाल़, अह आसा तेरअ शोहरू।” तेखअ बोलअ ईशू तेऊ च़ेल्लै लै, “अह आसा तेरी आम्मां।” तेखअ निंईं तेऊ च़ेल्लै तेभी सह आपणैं घरा लै।

पर ज़ांऊं तिंयां ईशू सेटा एछी करै भाल़अ कि ईशू आसा गअ द मरी, तिन्नैं निं ईशूए ज़ांघा चोल़ी। पर तिन्नां सपाही मांझ़ै बाही एकी ईशूए कुछी बरछ़ै करै और बरछ़ै बाहंदी निखल़अ तिधा का लोहू और पाणीं।

ईंयां गल्ला हुई तै कि पबित्र शास्त्रा दी लिखी दी अह गल्ल हुई पूरी, “तेऊए निं कोहै हाड चोल़ै।” (लुआह 12:46गणांई 9:12भज़न 34:20) शास्त्रा दी एकी होरी ज़ैगा बी आसा लिखअ द, “हरेकी आछी भाल़णअ सह, इधी तैणीं ज़ुंणी तेऊ लै कील बरछ़ै बी बाहै तै तिन्नां का बी शुझणअ सह।” (जकर्याह 12:10)

ईशू च़कअ आपणअ क्रूस आपणीं कान्हा तेसा ज़ैगा तैणीं, ज़िधा लै खोपल़ीए ज़ैगा बोला, और इब्रानी बोली दी बोला तै तिधा लै गुलगुता।

तेखअ बणांअ तिन्नैं सपाही गुंदी करै एक झ़रीलै कांडैओ मुगट। सह लाअ ईशूए मुंडै और तेऊ का बन्हैऊंऐं बैंज़णीं रंगे झिकल़ै।