Popular Bible Verses from यूहन्ना 10

Share

च़ोर कोई होर कोमै री तैंईंयैं नी ऐन्दा पर च़ोरी केरनै री तैंईंयैं होर मारणै री तैंईंयैं एज़ा सा। हांऊँ तैबै आऊ कि ते ज़िन्दगी पालै होर पूरी तैरहा ज़ी सकलै।

हांऊँ शोभलै फुआला सांही सा, शोभला फुआल आपणी भेड़ै री तैंईंयैं आपणी जान भी देआ सा।

मेरी भेड़ा मेरी आवाज़ा बै पछ़ियाणा सी, हांऊँ तिन्हां बै ज़ाणा सा, होर ते मेरै पिछ़ै-पिछ़ै औंढा सी।

होर हांऊँ तिन्हां बै हमेशा री ज़िन्दगी देआ सा। तिन्हां कैधी भी नाश नैंई होंणा, होर कोई तिन्हां बै मेरै हौथा न छड़ाई नी सकदा।

दुआर हांऊँ सा, अगर कोई मूँ न होईया एज़ा सा, परमेश्वरा तेई मुक्ति पाणी, होर ज़ो आँध्रै बाहरै औंढदा-फिरदा रोहला होर तेई च़ारा पाणा।

“शोभला फुआल हांऊँ सा, ज़ैण्ढा बापू मुँभै ज़ाणा सा, तैण्ढा हांऊँ भी बापू बै ज़ाणा सा।

मेरा बापू ज़ुणियै ते मुँभै धिनी सा, सैभी न बड़ा सा होर कोई तिन्हां बै बापू रै हौथा न छड़ाई नी सकदा। हांऊँ होर बापू एकै सी।”

ऐण्ढी तैरहै हांऊँ आपणी भेड़ा बै ज़ाणा सा, होर मेरी भेड़ा मुँभै ज़ाणा सी, होर हांऊँ भेड़ा री तैंईंयैं आपणी जान देआ सा।

कोई मेरी ज़िन्दगी बै मूँ न नैंई छुड़ांदा, पर हांऊँ तेइबै आपुऐ देआ सा। मुँभै जान देणै रा भी हक्क सा होर लेणै रा भी हक्क सा ऐ हुक्म मुँभै मेरै बापू न मिलु सा।”

तैबै यीशुऐ तिन्हां बै बोलू, हांऊँ तुसाबै सच़-सच़ बोला सा, भेड़ा रा दुआर हांऊँ सा।

नोकर ज़ो न ता फुआल ऑथि होर न भेड़ा रा मालक ऑथि, सौ भेड़ियै बै ऐन्दा हेरा सा होर भेड़ा बै छ़ौड़िआ भगा सा, किबैकि सौ तिन्हरा फुआल नी ऑथि। होर भेड़िया तिन्हां भेड़ा बै ढौका सा होर लग-लग केरा सा।

“हांऊँ तुसाबै सच़-सच़ बोला सा, कि ज़ो कोई दुआरा न भेड़ै रै खुड़ा बै नी ज़ान्दा, पर कोई होरी रस्तै ज़ा सा, सौ च़ोर होर डाकू सा।