Popular Bible Verses from लूका 12

Share

तुसै मेरै वापस ऐणै री तैंईंयैं त्यार हुऐ लोड़ी; किबैकि हांऊँ मांहणु रा बेटा स्वर्गा न तेई बौक्ता ऐणै ज़ैबै तुसै मेरै ऐणै री आश बी नी रखदै।”

पर तेई रै राज्य री खोजा न रौहा, ता ऐ सारी चीज़ा भी तुसाबै मिलणी।

यीशुऐ भी लोका बै बोलू, “होशियार रौहा तेसा चीज़ा रा लालच मता केरदै ज़ो तुसा हागै नी ऑथि। हर किस्मै रै लोभ लालचा न आपु बै बच़ाइया डाहत्; किबैकि कौसी री ज़िन्दगी तेई हागै बोहू ज़ायज़ाद होंणै सैंघै नी बँणदी।”

किबैकि ज़ौखै तुसरा धन होला, तौखै तुसरा मन भी लागी रौहणा।

कि तुसै फिक्र केरिया आपणी उम्रा रा एक पल भी बढ़ाई सका सी?

तेथा न बाद यीशुऐ आपणै च़ेले धिराबै फिरिया बोलू “हांऊँ तुसाबै बोला सा आपणै प्राणै री तैंईंयैं फिक्र मता केरदै, कि आसा कि खाँणा, न आपणी देही री तैंईंयैं कि आसा कि लाणा।”

तुसरै च़ोह्ढ़ै रै बाल़ भी गिणुऐदै सी। तुसै मता डौरदै, किबैकि तुसै परमेश्वरै री तैंईंयैं तिन्हां च़िड़ू न ज़ादा कीमती सी।

“हे होछ़ै छ़ुण्डा, मत डौरदा; किबैकि परमेश्वर बापू ज़ो स्वर्गा न सा सौ तौभै राज्य देणा चाहा सा।”

काऊड़ै पैंधै ध्यान देआत् ते न बाँहदै न काटदै होर न तिन्हां हागै कोई भण्डार घौर होंदा किबैकि परमेश्वर तिन्हां बै धाचा सा। तुसै ता परमेश्वरै री तैंईंयैं इन्हां च़ीड़ू-च़कारू न ज़ादा कीमती सी।

शक मता केरदै होर ऐसा गैलै री फिक्र मता केरदै कि आसा कि खाँणा होर कि पीणा।

अगर परमेश्वर मैदानै रै गाह बै सज़ाई सका सा ज़ो औज़ ता सा पर काल तेसा औगी न फुकिणा, ओ थोड़ै बशाह केरनु आल़ै लोको तेई परमेश्वरा तुसाबै लाणै रै झिकड़ै किबै नी देणै।

किछ़ भी गैला छुपीदी ती, एक रोज़ सैभी लोका ते गैला ज़ाणनी, होर ज़ो किछ़ छुपीदी सा एक रोज़ सैभ लोका ते पूरै प्याशै न हेरणा।