Popular Bible Verses from लूका 13

Share

यीशुऐ तिन्हां बै बोलू, “सौंगड़ै दुआरै आगै जाणै री कोशिश केरा किबैकि हांऊँ तुसाबै बोला सा बोहू सी ज़ो तेई दुआरै आगै ज़ा सी।

तौखै एक ऐण्ढी बेटड़ी ती ज़ो ठारा बौर्षा न बुरी आत्मा री बजहा न कुबड़ी हुई ती होर सौ कौसी बी ढैण्गै खड़ी नी ती होई सकदी। यीशुऐ सौ बेटड़ी आपु हागै शाधी, होर तेसा बै बोलू, “ओ बेटड़ियै, हेर तू आपणी सारी बीमारी होर कमज़ोरी न आज़ाद हुई।”

तेथा न बाद यीशुऐ तेसा बेटड़ी पैंधै हौथ रखै होर सौ बेटड़ी एकदम सीधी हुई होर परमेश्वरै री स्तुति केरदी लागी।

ऐ ज़ाणी लेआ, पर ज़ो ऐबरै आपणै आपा बै बड़ै बणा सी, काल रोज़ ते होछ़ै केरिनै, होर ज़ो होछ़ै सी ते काल रोज़ बड़ै केरिनै।”

एक रोज़ परमेश्वर ज़ो घौरकै मालका सांही सा तेई उठिया दुआर बन्द केरना होर तुसा बाहरै खड़ै होईया दुआर खड़काइया अर्ज़ केरनी, ‘ओ प्रभु जी आसरी तैंईंयैं दुआर खोलात्, तैबै तेई भीतरै न ज़वाब देणा तुसै कौखलै सी हांऊँ तुसाबै नी ज़ाणदा?’

हांऊँ तुसाबै बोला सा, ऐण्ढा नी ऑथि, अगर तुसै आपणै पापा बै नी छ़ौड़लै ता न तुसा बी ऐण्ढै मौरना।”

पर तेई तुसाबै बोलणा, हांऊँ तुसाबै नी ज़ाणदा कि तुसै कौखलै सी। ओ बुरै कोम केरनु आल़ै लोको तुसै मूँ हागै न दूर होआ।

तेथा न बाद यीशुऐ तिन्हां न पुछ़ू, “परमेश्वरा रा राज्य कुणी सांही सा? होर हांऊँ एथै री बराबरी किज़ी सैंघै केरनु? परमेश्वरा रा राज्य तेई राई रै दाणै सांही सा ज़ो कौसी मांहणुऐ नेइया आपणै छेता न बाहू होर सौ बड़ा होईया बूटा बैंणू होर ऐ ऐतरा बड़ा ती कि सर्गा रै च़िड़ूऐ तेथै री शांणी पैंधै कोल्ह बणाऊ।”