Popular Bible Verses from लूका 6

Share

होरी बै देआत्। तैबै तुसाबै भी मिलणा। पूरा नापी-नापिया, दबाई-दबाइया होर हिलाई-हिलाईया तुसाबै देईणा। किबैकि ज़ौस नापा सैंघै तुसै नापलै तेई नापा सैंघै तुसाबै भी नापिणा।”

भला मांहणु आपणै मनै रै भलै भण्डारा न भली गैला खोला सा होर बुरा मांहणु आपणै मनै रै बुरै भण्डारा न बुरी गैला खोला सा। किबैकि ज़ो किछ़ मना न भौरूआन्दा सा सौऐ मुँहा न निकल़ा सा।

बल्कि आपणै बैरी सैंघै झ़ुरी रखा होर तिन्हरा भला केरा। उद्धार देईया वापस पाणै री इच्छा मता रखदै तैबै तुसाबै बड़ा ईनाम मिलणा होर तुसा परमप्रधान परमेश्वरै री औलाद बणना, किबैकि परमेश्वर पापी होर धर्मी दुही पैंधै दया केरा सा।

ज़ैण्ढा तुसरा परमेश्वर बापू दयालू सा, तुसै बी दयालू बैणा।

“कौसी पैंधै दोष मता लादैं। तैबै तुसा पैंधै बी दोष नी लागणा। अगर तुसै होरी बै माफ केरलै ता तुसाबै बी माफी मिलणी।

“पर हांऊँ तुसा शुणनू आल़ै बै बोला सा, आपणै बैरी सैंघै झ़ुरी रखा ज़ो तुसा सैंघै बैर रखा सी तिन्हरा भला केरा।” ज़ूँणा तुसाबै श्राप देआ सी, तिन्हां बै आशीष देआ होर ज़ुँणा तुसरी बेइज़ती केरा सी तिन्हरी तैंईंयैं प्रार्थना केरा।

ज़ैण्ढा बर्ताव तुसै होरी न च़ाहा सी तुसै भी तिन्हां सैंघै तैण्ढाऐ बर्ताव केरा।

ज़ुण तेरै एकी गलोटै न थप्पड़ बाहला ता आपणा दुज़ा गलोटा बी तेई धिराबै फेर, ज़ुण तेरा कोट छ़ड़ाहला ता तेइबै आपणा कुरता भी नेणै दै। कौसी बी मुँगणू आल़ै बै नाँह मता केरदै, अगर तुसा न कोई तुसरी च़ीज नेआ सा ता तेसा वापस मता मुँगदै।

“कौसी भी शोभलै बूटै न माड़ै फ़ौल़ नी लागदै, होर न माड़ै बूटै न शोभलै फौल़ लागी सकदै।

किबैकि हरेक बूटा आपणै फ़ौला सैंघै पछ़ियाणिया सा किबैकि कोई बी मांहणु झ़ौकड़ा न फेगड़ै नी चोड़ी सकदै होर न ज़िढ़ी न अँगूर चोड़ी सकदै।