Popular Bible Verses from लूका 7

Share

“ऐबै हांऊँ तौभै बोला सा; कि ऐसा बेटड़ी रै पाप ज़ो बोहू ती ते माफ हुऐ, किबैकि एसै बोहू झ़ुरी केरी, पर ज़ुणिरा थोड़ा माफ हुआ तेई झ़ुरी बी थोड़ी केरनी।” तेथा न बाद यीशुऐ तेसा बेटड़ी बै बोलू, “तेरै पाप माफ हुऐ।”

पर यीशुऐ तेसा बेटड़ी बै बोलू, “तैं बशाह केरू तैबै तू बच़ी, परमेश्वरै री शान्ति पाईआ घौरा बै ज़ा।”

सौ बेटड़ी यीशु री ज़ोंघा हागै खड़ी होईया रोंदी लागी। तेसै आपणै औछू लाइया यीशु री ज़ोंघा सिनी केरी होर आपणै च़ोहढ़ै लाइया टुशदी लागी, तेसै यीशु री ज़ोंघा न मांकी धिनी होर खुशबूदार तेल मौल़ू।

तैण्ढाऐ हांऊँ तुसा सामनै ऐणै रै काबिल आपु बै नी समझ़दा, तुसै मेरै नोकरा बै ठीक होंणै री तैंईंयैं सिर्फ़ वचन बोललै ता तेई ठीक होंणा। किबैकि हांऊँ बी कौसी रै अधीन सा होर सपाई मेरै अधीन सी; ज़ैबै हांऊँ एकी बै ऐणै बै बोला सा, ता सौ ‘एज़ा,’ सा होर दुज़ै बै ज़ाणै बै बोला सा ता सौ ज़ा सा होर ज़ैबै हांऊँ आपणै नोकरा बै बोला सा ऐण्ढा केर ता सौ तेई कोम केरा सा।” ऐ शुणिया यीशु बै हैरानी हुई, होर पिछ़ै ऐन्दी लागीदी लोकै री भीड़ा धिराबै हेरिया बोलू, “हांऊँ तुसाबै बोला सा, कि ऐण्ढा बशाह केरनु आल़ै मुँभै इस्राएला न भी नी मिलै।”

ठीक तेही बौगतै यीशुऐ बोहू सारै लोका बीमारी न, दुःखा न, होर बुरी आत्मा न ठीक केरै होर कांणै बै हेरनै री शक्ति धिनी; तैबै यीशुऐ तिन्हां बै बोलू, “ज़ो किछ़ तुसै हेरू होर शुणू तेई ज़ाइआ यूहन्ना न बै दसा कि कांणै हेरा सी, लँगड़ै औंढा सी होर कोढ़ी ठीक केरिया सी, टाऊँणै शुणा सी होर मुर्दै ज़िंदै केरिया सी होर कंगाला बै परमेश्वरै रा खुशी रा समाद दसिआ सा।