Popular Bible Verses from लूका 8

Share

शोभली ज़मीना रा बेज़ा सौ सा, ज़ुणा वचना बै शुणिया ग्रहण केरा सी होर ते शौ गुणा फ़ौल़ आंणनु आल़ै बुटै सांही परमेशवरा बै खुश केरना रा कोम केरदै रौहा सी।

होर झ़ौकड़ा न औल़ूदा बेज़ा सौ सा, ज़ुणियै वचन शुणू, होर दुनिया री चिंता, ढैबुऐ रा धोखा होर हर किस्मै री चीज़ा मौज़-मस्ती न फसा सी, होर तेथै री बजहा सैंघै ते परमेशवरा बै खुश केरना रा कोम नी केरदै।

किछ़ लोका रड़खड़ी ज़मीना पैंधै पौऐ दै बेज़ै सांही सी, ते परमेश्वरा रा वचन ता शुणा सी होर वचना बै खुशी सैंघै ग्रहण बी केरा सी पर वचन तिन्हरै मनै री गहराई तैंईंयैं नी पुज़ै री बजहा सैंघै ते थोड़ी देर ता बशाह केरा सी पर ज़ैबै परीक्षा एज़ा सी ता ते तेई वचना पैंधै बशाह नी रखदै।

तैबै यीशुऐ तिन्हां बै बोलू, “तुसै बशाह किबै नी केरू?” ते डौरै होर हैरान होईया आपु न बोलदै लागै, “ऐ कुण सा, ज़ो बागर ब्याना होर पाणी बै भी हुक्म देआ सा होर ते ऐईरी मना सी।”

किछ़ लोका बौतै रै बौढ़ा न पौऐ दै बेज़ै सांही सी। ऐ लोका परमेश्वरा रा वचन ता शुणा सी पर शैतान एज़िया तिन्हरै मना न तेई वचना बै नेआ सा, ताकि तिन्हैं वचना पांधै बशाह केरिया मुक्ति नी पाई लोड़ी।

किबैकि ज़ो किछ़ गैला छुपीदी ती, एक रोज़ सैभी लोका ते गैला ज़ाणनी, होर ज़ो किछ़ छुपीदी सा एक रोज़ सैभ लोका ते पूरै प्याशै न हेरणा।

ज़ैबै तेसै बेटड़ियै हेरू कि हांऊँ छ़ुपी नी सकदी सौ डौरी होर कोमदैआ यीशु री ज़ोंघा पैंधै पौई। तैबै तेसै सैभी लोका सामनै दैसू, तेसै कुणी बजहा सैंघै ते छ़ुँगै होर सौ कैण्ढै बीमारी न एकदम ठीक हुई। यीशुऐ तेसा बै बोलू, “बेटी तेरै बशाहै तू ठीक केरी, शान्ति सैंघै घौरा बै ज़ा।”

तैबै तिन्हैं भेटी एज़िया सौ बझ़ेऊ होर बोलू, “गुरू जी, गुरू जी आसाबै बच़ात् आसै नाश होंदै लागैदै सी।” तैबै यीशुऐ औढ़-पाणी बै बोलू शान्त हो होर सौ शान्त हुआ