Popular Bible Verses from मत्ती 21

Share

अगर तुसाबै भरोसा ता प्रार्थना न तुसै ज़ो बी मुँगलै सौ तुसाबै मिलणा।”

यीशुऐ तिन्हां बै ज़वाब धिना, “हांऊँ तुसाबै सच़ बोला सा अगर तुसा न भरोसा होर तुसै शक नी केरदै ता तुसै भी ज़ो मैं ऐई बुटै सैंघै केरू ऐण्ढा केरी सका सी बल्कि अगर तुसै ऐई ढौगा बै बोललै, औखै न उठ होर समुन्द्रा न ज़ा, ता सौ तैण्ढाऐ होंणा।

ज़ो लोका यीशु रै आगै-पिछ़ै च़लदै लागै ती, ते यीशु री जय-जयकार केरिया बोलदै लागै ती, “प्रभु री स्तुति हो! दाऊदै री औलाद!” स्वर्गा न प्रभु री स्तुति हो। “धन्य सा सौ ज़ुण प्रभु रै अधिकारा न एज़ा सा।”

यीशुऐ तिन्हां बै बोलू, “पवित्र शास्त्रा न ऐ लिखु सा; ‘मेरा मन्दिर प्रार्थना रा घौर होंणा’ पर तुसै लोकै ऐ डाकू रा अड्डा बणाऊ सा।”

“सिय्योनै री नगरी बै बोला, ‘हेर, तेरा राज़ा तौ हागै ऐन्दा लागा सा; सौ नम्र सा होर गधै पैंधै बेठा सा।’ ”

यीशुऐ तिन्हां बै बोलू, कि “तुसै शास्त्रा रा सौ वचन नी पौढ़ू “ ‘ज़ुण पात्थर घौर बनाणु आल़ै मिस्त्रियै बेकार समझ़ू, सौहै पात्थर कुणै रा पात्थर बणु; ऐण्ढा प्रभुऐ केरू, ज़ो आसरी नज़री न नौखा सा’

“हांऊँ तुसाबै बोला सा परमेश्वरा रा राज्य तुसा न छीनिणा; होर तिन्हां लोका बै देणा ज़ो तेइरै राज्य रै मुताबक च़ला सी।