Popular Bible Verses from मत्ती 27

Share

त्रीज़ै पौहरै यीशुऐ बड़ी ज़ोरा सैंघै बोलू, “एली-एली लमा शबक्तनी?” कि “हे मेरै परमेश्वर, हे मेरै परमेश्वर, तैं हांऊँ किबै छ़ौड़ू?”

होर शुणा मन्दिरा रा पर्दा ऊझै न लेइया बुनै ढौई तैंईंयैं च़िरूआ होर तेथै रै दुई टुकड़ै हुऐ होर धौरती न ज़ौज़री हुई। औखै तैंईंयैं कि मूँऐंदै कई धर्मी लोकै री कब्रा खुली होर ते ज़िन्दै हुऐ।

तैबै यीशुऐ ज़ोरा सैंघै बोलिया प्राण छ़ौड़ै।

तैबै सिपाही होर ज़ो तिन्हां सैंघै ती ज़ो किछ़ हुआ तेथा हेरिया डौरै होर बोलू, “सच़िऐ ऐ मांहणु, परमेश्वरा रा बेटा ती!”

बारा बज़ै न लेइया त्रा बज़ै तक सारै देशा न निहारा रौहू।

पिलातुसै तिन्हां न पुछ़ू, “ज़ैबै यीशु ज़ुणिबै मसीह बोला सी तेइरा कि केरना?” सैभियै तेइबै बोलू, “यीशु बै क्रूसा पैंधै च़ढ़ा।” पिलातुसै बोलू, “किबै तेइयै कि बुराई केरी सा?” ते होर बी ज़ोरा सैंघै बोलदै लागै, “तेइबै क्रूसा पैंधै च़ढ़ा।”