Popular Bible Verses from मरकुस 5

Share

यीशुऐ तेसा बेटड़ी बै बोलू, “ओ बेटी तेरै बशाहै तू ठीक हुई; शान्ति सैंघै ज़ा होर आपणी एसा बीमारी न बच़िया रौह।”

भीड़ा न एक ऐण्ढी बेटड़ी ती ज़ुणिबै बारा बौर्षा न लोहू बैंहणै री बीमारी ती। होर तेसै बोहू वैदा न बड़ा दु:ख च़कू होर ज़ो किछ़ तेसा हागै ती खर्च़ केरनै न बाद भी तेसा बै कोई फायदा नी हुआ, पर होर भी ज़ादा बीमार हुई ती।

होर एकदम तेसरा लोहू बैहणा बन्द हुआ होर तेसै ऐ महसूस केरू कि हांऊँ तेसा बीमारी न ठीक हुई सा।

होर शोहरी रा हौथ ढौकिया तेसा बै बोलू, “तलीता कूमी!” ज़ौसरा मतलब होआ सा, “ओ शोहरी हांऊँ तौभै बोला सा, उठ।”

यीशु ज़ैबै बोलदा लागा ती कि, आराधनालय रै प्रधाना रै घौरा न एज़िया लोकै बोलू, “तेरी बेटी ता मूँई, ऐबै गुरू बै किबै दु:ख देआ सा?” ज़ो गैल ते लोका केरदै लागै ती यीशुऐ सौ नशुणी केरिया, आराधनालय रै प्रधाना बै बोलू, “डौरदा मत सिर्फ़ बशाह रख।”

किबैकि यीशुऐ तेइबै बोलू ती, “हो बुरी आत्मा, ऐई मांहणु न निकल़िया एज़।” यीशुऐ तेईन पुछ़ू, “तेरा नाँ कि सा?” तेइयै बोलू, “मेरा नाँ सेना सा; किबैकि आसै बोहू सी।”