Popular Bible Verses from मरकुस 6

Share

तैबै यीशुऐ तिन्हां बै बोलू, “तुसै एक सुनसान ज़ैगा न जाईया थोड़ा राम केरा।” किबैकि बोहू लोका ऐन्दै-ज़ाँदै रौहा ती, होर तिन्हां बै रोटी खाँणै रा भी मौका नी ती मिलदा।

यीशु ज़ाणा ती कि तिन्हैं तेई पैंधै बशाह केरनै न नाँह केरा सी तैबै यीशुऐ तिन्हां बै बोलू, “एक भविष्यवाणी केरनु आल़ै रा आपणै देश, आपणै परिवार होर आपणै घौरा छ़ौड़िआ हर ज़ैगा आदर होआ सा।”

होर यीशुऐ किश्ती न निकल़िया बोहू बड़ी भीड़ हेरी, होर तिन्हां पैंधै दया केरी, किबैकि तै तिन्हां भेड़ा सांही ती ज़ुणिरा कोई फुआल नी होंदा, होर सौ तिन्हां बै बोहू गैला सिखाँदा लागा।

यीशु नासरता न कोई चमत्कारा रै कोम नी केरी सकू, तैबै तेइयै सिर्फ़ थोड़ै ज़ेही बीमार लोका पैंधै हौथ रैखिया ते ठीक केरै। यीशु बै तिन्हरै कम बशाह होंणै पैंधै हैरानी हुई, सौ होर तेइरै च़ेले तेई इलाकै रै सैभी ग्राँ न जाईया लोका बै उपदेश केरदा फिरु।

होर यीशुऐ ते पौंज़ रोटी होर दुई मैच्छ़ी हौथा न लेई, होर स्वर्गा धिरै बै हेरिया परमेश्वरा बै धन्यवाद धिना, होर रोटीयां चोड़ी-चोड़िया च़ेले बै देंदा लागा, कि तै लोका बै बौंडै, होर ते दुई मैच्छ़ी भी तिन्हां सैभी न बौंडी। होर सैभ रोटी खाईया रोज़ै। होर तिन्हैं बच़ुदै खाँणै न भौरुइन्दी बारा टोकरियाँ च़की, होर किछ़ मैच्छ़ी न भौरुइन्दी भी च़की