Popular Bible Verses from Yohanes 15

Share

Aku iki wité anggur lan kowé kuwi pangé. Sapa sing tetep manggon ing Aku, lan Aku ing wong kuwi, kuwi sing ngetokké woh okèh, awit yèn pedot sangka Aku, kowé ora bisa nandangi apa-apa.

Kowé tetepa manggon ing Aku lan Aku ing kowé. Pada kaya pangé ora bisa metu wohé sangka awaké déwé, yèn ora tetep manggon ing wit anggur, mengkono uga kowé ora bisa ngetokké woh yèn ora tetep manggon ing Aku.

Yèn kowé manggon ing Aku lan piwulang-Ku manggon ing kowé, pada njaluka apa waé sing kok karepaké, kowé bakal keturutan.

Duduk kowé sing pada milih Aku, nanging Aku sing milih kowé. Aku wis netepaké kowé, supaya kowé pada lunga lan ngetokké woh lan wohmu kuwi tetep, karo mengkono apa sing kok jaluk marang Bapak atas asma-Ku, dituruti karo Panjenengané marang kowé.

Ora ana katrésnan sing gedéné ngungkuli katrésnané wong sing ngetokké nyawané kanggo nglabuhi kantya-kantyané.

Saben pangé ing Aku sing ora metu wohé, diketok lan sing metu wohé, diresiki, supaya mundak okèh wohé.

Préntah-Ku kuwi ngéné, ya kuwi supaya kowé pada trésna-tinrésnaa, kaya enggon-Ku wis nrésnani kowé.

Sing dadi jalarané Bapak-Ku diluhurké, ya kuwi yèn kowé pada ngetokké woh okèh lan awit sangka mengkono kowé bener-bener dadi murid-Ku.”

“Aku iki wit anggur sing sejati lan Bapak-Ku kuwi sing dadi juru tani.

Sapa sing ora tetep manggon ing Aku, kuwi dibuwang metu kaya pangé mau, nganti dadi garing, terus pada diklumpukké lan terus dityemplungké ing geni, lan diobong.

Kabèh kuwi Tak omongké marang kowé, supaya kabungahan-Ku ing kowé lan kabungahanmu dadia sampurna.

Yèn kowé netepi tembung-Ku, kowé bakal tetep manggon ing katrésnan-Ku, kayadéné enggon-Ku wis netepi tembungé Bapak-Ku lan tetep manggon ing katrésnan-Né.

Iki préntah-Ku marang kowé: Pada trésna-tinrésnaa.”

Yèn tekamu sangka jagat, mesti jagat trésna marang kowé awit dadi duwèké. Nanging awit tekamu ora sangka jagat, malah Aku wis milih kowé sangka jagat, mulané jagat sengit marang kowé.