Popular Bible Verses from Lucas 17

Share

E engadiu: Érguete e vaite: salvoute a túa fe.

E se te ofende sete veces no día e sete veces volve a ti dicindo: "Síntoo moito", perdóao.

E un deles, ó se decatar de que estaba curado, volveu loando a Deus con grandes voces. E prostrándose, rostro en terra, ós pés de Xesús, deulle as grazas. Era un samaritano.

Andade con coidado. Se o teu irmán che fai mal, repréndeo; se se arrepinte, perdóao.

Xesús dixo: Non foron dez os que quedaron limpos? Onde están os outros nove?

O Señor respondeulles: Se tivésedes polo menos unha fe coma un gran de mostaza, diriádeslle a esta moreira: "Arríncate e plántate no mar", e seguro que vos obedecía.

Quen intente salvar a súa vida perderaa; e quen a perda salvaraa.

Díxolles ós seus discípulos: É irremediable que haxa escándalos; pero ai de quen os provoca! Máis lle valía que lle colgasen unha pedra de muíño no pescozo e que o largasen ó mar antes que escandalizar a un destes pequeniños.

O que pasou no tempo de Noé pasará tamén no tempo do Fillo do Home. Comían e bebían e casaban eles e elas, ata o día no que Noé entrou na arca; logo veu o diluvio e acabou con todos.