Popular Bible Verses from Yohana 15

Share

Ma zabibu patini, emi arakalani, ’Ba ovupi ma alia ’dani, mani ovuzu eri ma alia indiri, ’ba ’diri eri efi ’ya tu, a’disiku emi ka esele co ma be econi emini e’yo ’yezaru aluni ku.

Emi ma ovu ma alia ’dani, ma’i ma ovu emi alia indi. Ekile pati arakalani ecole efi ’yazaru eri drisi ku, eri ka ovu pati raza zabibururi ma alia kurile, awa’dini emi econi vini ku indi, emi ka ovu ma alia ku.

Emi ka ovu ma alia ’dani, azini e’yo mani ’yole ’diyi ka ovu emi alia ’dani, emi zi e’yo ngoni ngo emini leleri, eri nga i ’ye emi dri.

Emi peni ma emi’i ku, te ma ope emi ma’i, ma ’ba emi emi ma mu ani efi ’yazu, efi emini ma ovu ’dani beni; ’dini e’yo ngoni ngo emini zile Ata vu ma rusiri, eri ma fe ani emi dri

’Ba aluni ovupi leta be ’diri agazuni yo, leta nde ’bani ani idri ini kuzu va i ma agyisiri’i.

Eri adri pati arakala dria alu alu ovupi ma alia efi ’yapi kuri opi va; te eri adri pati arakala dria alu alu efi ’yapi rari ma rua ede alaru, eri ma ’ya ani efi azini aga ra beni.

Azita mani eri ’di, emi ma le emi emi eselia, ekile mani emi lelerile.

Ma Ati isu diza e’yo ’disi, emini efi ’yale kakaurisi; te ’dini emi nga ovu ’ba mani imbale ’diyiru.

Ma pati raza zabiburu adaru­ri’i, ma Atini ’ba eri edepiri

Te ’ba ka ovu ma alia ’dani ku, yi ’be eri ekile pati arakale, eri nga ’wi ra; yi arakala nde ’diyi oku o’bezu acia, yi nga ve ra.

Ma ’yo e’yo ’diyi emi tia ’bo, ’dini ayiko mani ma ovu emi alia ani, ayiko emini ma ga tre indi.

Emi ka azita mani ’diyi ma ta mba ra, emi nga ovu ’dani leta mani ma alia; ekile mani azita ma Atini ’diyi ma ta mbale ’bo, mani ovuzu ’dani leta erini ma aliarile.

Ma azi e’yo emi tia ’di, emi le emi le le

Emi ka te ovu ’ba nyakuni, nyakuni te nga i ma afa le ra te di emini ovule ’ba nyakuni kurisi, azini mani emi opele nyaku eseliarisi, e’yo ’disi nyaku ngu di emi onzi ani ’di.