Popular Bible Verses from KUBULUKA 20

Share

“Ine ndine MBUYA, Mulungu wako, ule adakubulusa m'dziko ya Iguputo, kukhali iwe paubitchu kule. “Leka pembedza milungu inango, mbwenye ine ene basi.

“Leka kupisasanyira wekha ene mifanikizo ya chinthu chonsene cha kudzulu, penu cha pansi pano, penu cha m'madzi a pansi pa mataka. Leka lambira mifanikizo penu kuipembedza, thangwi ine ndine MBUYA Mulungu wako pontho ndine wantchanje. Ndimbatchunyusa ana thangwi ya pyakudawa pya makolo awo ambandizonda ale, kuatchunyusa mpakana mfendu wachitatu na wachinayi.

“Lemedza babako na mako, towera nsiku za moyo wako pansi pano ziinjipe m'dziko inafuna ine, MBUYA Mulungu wanu, kukupasa.

“Koya Nsiku Yakupuma pakuichitisa kukhala yakupambulika.

“Leka thula dzinanga papezi, thangwi ine, MBUYA Mulungu wako, ndinatchunyusa munthu onsene anaphatisa basa dzinanga papezi.

Pana nsiku zitanthatu zinakwanisa iwe kuphata mabasako, mbwenye nsiku yachinomwe ndi Nsiku Yakupuma yakupambulika kuna ine. Pansiku yeneyo nee munthu na mbodzi ene athema kuphata basa tayu, nee iwe penu anako, nee mabitchu ako penu pifuyo pyako, penu mlendo ali m'dziko mwakomo tayu.

“Leka sirira nyumba ya mwanzako; leka sirira mkazache, mabitchu ache, ng'ombe zache, mabulu ache, penu chinthu chonsene cha mwanzako.”

“Leka pambizira mwanzako.

“Leka chita uputa.

“Leka chita upandu.

“Leka kuba.