Popular Bible Verses from Markus 10

Share

Barang, Anak Manusia yang dari sorga me datang di dunia ini bukang untuk dapa layani, tapi untuk layani deng kase diri la tebus orang banya pe dosa.”

Yesus haga pa dorang kong bilang, “Manusia tara mungkin mo kase slamat dia pe diri sandiri. Cuma Tuhan Allah saja yang bole kase slamat pa manusia, karna untuk Tuhan Allah apa saja bisa jadi.”

Pe dengar itu, Yesus bilang pa dia, “Karna ngana so percaya pa kita, ngana sembu. Jadi ngana so bole pigi!” Waktu itu suda, orang buta itu so bisa dapa lia, turus dia iko sama-sama deng Yesus.

Karna itu, apa yang Tuhan Allah so kase jadi satu, manusia tara bole kase cere.”

Yesus lia pa orang itu deng rasa kasiang, kong bilang pa dia, “Tapi masi ada satu yang ngana bolong biking. Ngana pigi suda kong jual samua ngana pe harta la kase dia pe doi itu pa orang-orang miskin. Kalu ngana biking bagitu, ngana dapa harta di sorga. Abis itu, kamari suda la iko pa Kita.”

Yesus tanya pa dia, “Ngana mau Kita biking apa pa ngana?” Turus orang buta itu bilang, “Guru, kita minta supaya kita bisa dapa lia.”

Tapi ngoni tara bole bagitu! Sapa dari ngoni samua yang suka mo jadi hebat pa Tuhan pe muka, dia musti jadi sama deng orang biasa-biasa saja yang layani pa ngoni.

Inga bae-bae yang Kita mo bilang pa ngoni ini: sapa yang tara tarima pa Tuhan Allah sama deng ana kacil yang tara sombong, dia tara akan jadi Tuhan Allah pe umat yang Dia Berkuasa sebagai Raja pa dia pe hidup.”

Tapi banya orang penting di dunia ini, nanti jadi orang yang tara penting, kong orang yang tara penting di dunia ini, nanti jadi orang penting.”

Mulai dari pertama Tuhan Allah cipta dunia ini, Dia biking laki-laki deng parampuang. Karna itu, laki-laki akan kase tinggal dia pe papa deng mama kong hidup satu deng dia pe bini, supaya dorang dua jadi satu. Kong dorang dua ini tara hidup sandiri-sandiri lagi, tapi dorang so jadi satu.