Popular Bible Verses from Markus 9

Share

Tapi Yesus bilang bagini, “Jang ngana bilang ‘kalu Kita dapa kase sembu!’ Samua bisa jadi kalu orang percaya pa Kita!”

Turus ana itu pe papa langsung bilang kuat-kuat bagini, “Tuhan, kita percaya, tapi masi kurang. Jadi tolong pa kita la kita lebe percaya lagi.”

Abis itu, Yesus deng Dia pe murit-murit maso di ruma. Waktu Yesus deng Dia pe murit-murit sandiri di situ, Dia pe murit-murit tanya pa Dia, “Bikiapa kong torang tara bisa user setang itu, e?” Yesus bilang pa dorang, “Setang macam itu bisa kaluar cuma deng berdoa.”

Ngoni yang iko pa Kita musti ada guna sama deng garam. Garam pe guna untuk biking makanang jadi sadap, tapi kalu garam itu so jadi tawar, so tara mungkin lagi mo barasa garam. Bagitu lagi deng ngoni pe hidup di dunia ini, musti ada dia pe guna untuk orang di dunia ini deng ngoni me musti hidup baku bawa bae-bae satu deng yang laeng.”

“Sapa yang tarima pa orang biasa-biasa saja sama deng ana kacil ini karna orang itu percaya pa Kita, itu sama deng dia so tarima pa Kita. Deng bukang cuma tarima pa Kita, tapi dia me so tarima pa Tuhan Allah yang utus pa Kita.”

Jadi ngoni inga bae-bae: sapa yang bantu pa ngoni karna ngoni iko pa Kristus, biar dia cuma kase ngoni aer satu galas saja, orang yang bantu itu pasti dapa upah dari Tuhan.”

Yesus bilang lagi pa dorang bagini, “Kalu ada orang yang biking sampe orang biasa-biasa sama deng ana kacil ini jadi tara percaya pa Kita lagi, lebe bae ika orang itu pe leher deng gantong batu basar satu pa dia, kong buang pa dia di dalam laut.

Kalu gara-gara ngoni pe mata sabla biking ngoni jadi berdosa sampe jadi tara percaya lagi, cungkel suda ngoni pe mata itu. Karna lebe bae ngoni maso di Tuhan Allah pe tampa Berkuasa sebagai Raja cuma deng mata sabla, daripada ada dua mata kong Tuhan Allah buang pa ngoni di neraka.