Popular Bible Verses from Jone 16

Share

Aṉata so kiala mekasi tu meta me qovou ko bule meko saevo omadeu kati elo kale aṉako saevo. Komia ruqe ama peuru ma peuru kale ama maba poso ta ke katimelou me ko duki ni riṉoteṉote. Melai meta parani putomo! Ako aṉata lula koqo a ika komia ruqe ama peuru ma peuru ko pizato sole!” ma kiolake vo Jisu.

Melai so keru vo Tabu ala Auvana o kilou keru, vo kasa o ikani vo Baṉara ko tuveano, vota kasa o mela ikou me koa kiadama tuveano. Vota pui opa pesiovou o ṉaviko vatolo kale, melai vota okai pesiovou ko quli o viqako quli Baṉara kasi, ni vota o melai bazuekou me koko kilo ama quli.

Kobeta baroa erisaṉa ta meta pui nio mevai paseka aṉavo Mama kama quli aṉako ṉikale. Meta pasekomo inio meta me qovou ni meko zoleilo ta ko melai avoziovou,” ma kiolake vo Jisu.

Melai tuvevo avole aṉata a bazuemela me, kota matu qulepo ama quli meko, tu aṉata a ziovou, ako aṉata pui a vaemelou me ni pui a ziovou tea, voa Tauvezato, vo Tabu ala Auvana ta pui opa kilou mekasi. Melai aṉata a ziovou inio aṉata a joroevou vo mekasi. Ni so keru vo o kilou keru inio vota kasa omai ikou se peuru ma peuru kale amu ta seta keta saruiva, seko kerukerueko kale ko seta puliama sarueko samu, ni seko kerukerueko kale ko seta Baṉara ko sidopu samu, ni seko kerukerueko kale ko seta pui kepa kovou ko titizato.

So jari inio ko me, meta mainio upotuqu meda elou, melai aṉata tova a qilou ni aba mela lelou mata, ni meko bulo poso ta kokai sukatou ko zoleilo, koa zoleilo puliala opa tamela kovo ama me. Ni koa ṉaniu ko barolou keru inio meta pui meba lai kuimaekou aṉa kama quli ako meta zakaremua paqumato me elou sole. “Tuvevo avole aṉata a bazuemela me, aṉavo Mama ta o katimelou me kiadama quli meme baseko ama vokasi aṉako ṉikale.

Tuvevo avole aṉata a bazuemela me, puliako tu keu meta me zialou ni kumasa me elou, melai komia ruqe ama peuru ma peuru kale ama maba poso ta pui kepa zialou, seta keta zoleilou. Zio, meta upotuqu me elou, melai tova ta meko upotuqu ta zoleilo ko besiekou.