Popular Bible Verses from Jone 17

Share

So sole ṉota ṉo ṉaviko madu ima se ṉoko tuvevo ama bazu kale, ako ṉoko pesio ta tuvevo ama sole.

Koa noqola kama saevo ko kio ni kalo ta maba poso ko ṉai nianiio ṉo, tuvevo ala Baṉara ṉa, ni seko lai nianiio aṉa Jisu Karisito lala, aṉa ṉoṉo joroeleni lala.

“Pui ni ke kiada inio a mati vararaita ṉokasi, melai so jari seke tuvevo puelo amu aṉa niko bazu kale, ko ni kemai bazueko ama se. Mama! Aṉata a vararaita tu seta sea kiadamu ta omadeu ke elo. Aṉata a vararaita tu seta ke elo aniṉo tona, omadeuvo ṉoṉo eva jari aṉa tona, tu se peuru ma peuru kale ama maba poso ta ke kelou ni ke tuvevo puekou ko ṉo inio aṉa ṉo joroeleni ṉa kio.

Aṉata pui a baseṉa ṉo tu ṉota ṉo movo ni seko peuru ma peuru ama elo kale azo, melai aṉata a baseṉa ṉo tu mati qaraqarate vo Ruqe ala, vo Setani kasi azo.

Aṉata lula a qatima koa omadeuma ṉaṉaidara ko ṉoṉo qatilema aṉa jari ama, tu seta omadeu ke elo omadeuvo ṉo ni aṉa ta omadeu jari. Koa omadeu elo ta eri, aṉata se tona ni ṉota aṉa tona, tu seta tuvevoa omadeu ke elo aniṉo tona, Sokale inio se peuru ma peuru kale ama maba poso ta kekai nianiiovou ko ṉo inio ṉo joroeleni ṉa aṉa kio, ni ṉo roquemani ṉa seke tuvevo puelani aṉa aṉa ṉo ilani jaria roquelo kio.