Popular Bible Verses from Taruparea̧ Ma̧ȩ 15

Share

Ado Abara̧ judi Jevoa ja̧ ma̧ȩ oa ta̧rëmȩrȩ quëna̧dejȩ. Ado quëna̧mȩ oa jabechji̧parȩrëremȩdejȩ, chjai̧dë chiadëmȩmi̧ dari̧.

Ji̧dë duri oa japamitë chjätä ëte, Jeova pio judi yo̧ë cji̧dämȩrȩ ma̧ȩ yürürëremȩdejȩ Abara̧ ju̧i̧. Darämi̧ cjia tänȩmȩrȩ ma̧ȩ yürürëremȩdejȩ, ja̧di ta̧rëri̧ ta̧rërämi̧ cjia tänȩmȩrȩ: —Abara̧, uapadëvä. Cüdë mȩa chjadëri̧ jidamȩ tara, jabechji̧ uapadëvä. Pio coaiä ji̧ra̧ri̧ mitërea̧mi̧ dari̧ cjiadiäparenȩ. Tjamo̧ davä. Ji̧ra̧ tjamo̧ra̧ pio ju̧ri̧ra̧ ba ano̧parequedemȩ —yo̧a̧dejȩ.

Ja̧dëa ji̧ Jeova judi jo̧ dairäpȩmo̧ ëba go̧dürëremȩdejȩ Abara̧ ju̧i̧. Ado yo̧a̧dejȩ: —Danȩ, a̧dëräpȩmo̧ gatë davä büë pio ji̧ri̧. Chjadëri̧ ütarë davä. Jabechji̧ ütararea̧mi̧dëde. No̧i̧dë tjamo̧de büë üdë. Ado peaja̧di dari̧ cjiadiäpadirȩ na̧ea̧ri ja̧ji̧ri̧ judiro̧. Ütararea̧mi̧dëri̧ cjiadiäpadirȩ —yo̧a̧dejȩ.

Jabo Jeova judi dëbë yo̧a̧dejȩ: —Cjäri̧ made, mȩnȩ ütëparȩa̧ pio judi mitëdëpade. Jabechji̧ mȩnȩ nö̧ripea̧ pio judi mitëpade davä na̧ea̧remȩ pio ju̧i̧. Mȩnȩ nö̧ridëa̧ pio judi mitëdëpade —yo̧mȩrȩ yo̧a̧dejȩ Jeova judi.

Ado ja̧dëa ji̧ Jeova judi ma̧ȩ yürürëremȩdejȩ: —Chjadëri̧ dabatä earequede na̧ea̧ri ja̧ji̧ri̧ pio ji̧ri̧ chjiari. Jabechji̧ jibëa̧ chiridëräpȩ ju̧ri̧, ado cja̧rȩmo̧ pumȩ ja̧ chiriräpȩ ju̧ri̧ cjo̧ro̧padirȩ mu̧i̧tjoi̧ maearë. Pio ju̧ri̧pȩ gitoi̧ dari̧ conȩda̧ oa cjo̧ro̧padirȩ 400 ui nö̧ta.

Jabo Abara̧ judi dëbë yo̧mȩrȩ yo̧rëremȩdejȩ Jeova ju̧i̧: —Danȩ Ano̧mȩ Ütë, ca̧ ja oa jabë ëbadëmȩrȩ cjo̧ro̧requede cüdë. Mȩnȩ yürüa̧ oa ëbadërequede. Pio mȩaiä ji̧ra̧ri̧ mitërea̧mi̧ dari̧ cjiadiäemȩ jirorequede, jabo ca̧ ja oa ëbadëmȩrȩ cjiadiärä judi, jabechji̧ badëri̧ cjiadiäparequede —yo̧a̧dejȩ—. Danȩ, cüdë ca̧ ja oa ëbadëmȩrȩ ja̧boa̧rä judi, jabechji̧ judi ca̧ea̧remȩ pio ju̧i̧ mitëtärea̧ ji̧, mitërea̧ dadëpade. Ado danȩ, mȩnȩ pio coa ca̧ ja oa jabë yürüdëa̧ tara, jabechji̧ cüdë ütëparȩa̧ pio judi tjamo̧ mitëpamȩtäde. Danȩ, Erieche quȩmȩ pio judi, Damacori pio judirimȩ pio judi mitëpamȩtäde ca̧ea̧remȩ pio ju̧i̧ —yo̧mȩrȩ dëbë yo̧a̧dejȩ Ütë tjamo̧ ju̧i̧ Abara̧ judi.

Pio jiro domȩ ju̧i̧iä Jeova pio judi yo̧ë cji̧därea̧ ma̧ȩ yürürëremȩdejȩ Abara̧ ju̧i̧, ano̧ mire jo̧rȩtarea̧mi̧dë ma̧ȩ oa. Ado ja̧di ta̧rëri̧ yo̧rëremȩdejȩ. —Danȩ, pio yoa chiri oa yürüparequedejȩrȩ na̧ea̧ri ja̧ji̧ri̧ pio ji̧ri̧. Aja̧, bea Ejitori pio judiri bea ana̧räpȩ yuro yürüparequedejȩrȩ, bea Eupjateräpȩ yuro. Aja̧, pio jiro bearäpȩ yuro yürüparequedejȩrȩ chiri oa.

Jabo danȩ, japamitë ana̧ chjätä ëte, na̧ea̧ri ja̧ji̧ri̧ pio judiro̧ pio yoa chiri oa ma̧na̧na̧ra̧padiro̧jo̧ȩ. Tjamo̧ davä. Na̧ jadama̧i̧ taru pio judiro̧ jibëa̧ bori̧ ji̧ri̧ nö̧rirä, jabechji̧ pio yoa chiri oa ma̧na̧na̧ra̧rea̧ dapadirȩ. Ado judirä bape chjaoparequedejȩrȩ Canaa̧ quȩmȩ chiriräpȩ cjo̧ro̧ji̧ri̧ pio ji̧ri̧. Aja̧, amoreo quȩji̧ri̧ pumȩ pio ji̧ri̧, a̧dë chjäte chjai̧dëri̧ jape cjiaji̧ri̧ pio ji̧ri̧ bape chjaoparequedejȩrȩ tjuri cjiami̧ dari̧ chjai̧dëri̧ japaji̧ri̧ oa —yo̧rëremȩdejȩ Ütë tjamo̧ judi Abara̧ pio ju̧i̧.