Popular Bible Verses from Romanɛ 14

Share

Ɔmɔsɛ Owusoso Akaa bukusi ŋaŋãa, itinu bɔdɔ̃ ŋaŋã nɛ̀ bɔdɔ̃ wɔɛwɔɛ ibui, pɔ kinu tɛzazã piapii, ishu yɔyɔ nɛ̀ same mɔmɔ nɛ̀ Ɔfɔfuĩa Gbangbã mɛ ibui. Ɔmɔsɛ anunɔ gɛ akpɛ ɛtakpu esi akɔ Kristo nɛ idzo ɛlɛ nɛidi abhaa yɛibui Owusoso Akaa adɛmɛ nɔ, kɛlɛ banɔ tsyɛ adɛmɛ atɔɖɔ kɛlɛ abha.

Onupɛ bɔlɛ nɛ ɛkpãa, bɔlɛ ɛlɛ ɔkɔ Apaleteɛ, kɛlɛ onupɛ butsí tsyɛɛ, butsí ɔkɔ Apaleteɛ, kliso bɔlɛ nɛ ɛkpã alo butsí tsyɛɛ elo, Apaleteɛ ayɛ ko bunu.

Kliso nɔkɔ bɔkpɛ emi tɛ bɔbhɛtɛ kɛgɛ bamana ishu yɔyɔɔ, tɛ bɔbhɛtɛ ebuiɛ gɛ bɔba lɔkɔ kpɛ bagɔlɔ ohumi nɔɔ nɔ̀.

Kɛlɛ̀ soɔ, nɔkɔ bɔyɔlɔ bubhu tikuklu nɛ̀ bagɔlɔ. Nɛ kɛlɛ́ nɛinye mɛɛ, anɔ na nà atɛ lɔkɔ kɛdɔ̃ gɛ bakpata alo tɛ abhɛtɛ kibui alɔkɔ ebhui idzo mɛ akɔ yɛadzya nɔ.

Bafɔnɔ kibuiɛ elu asɛ, “Apalete aɖɔ asɛ, ‘Gɛ ɛnya lɛ nɛ ɛkpã koɔ,’ anɔ nyia anɔ ebedzu ekluisi esi akɔ mɛ, kɛlɛ olugbũ ka nyia ka ɔbɔdalɛ ɛlɛ mɛ ɔsɛ mɛinu Owusoso Akaa.’ ” Kliso bɔlɔ mɛ aka nyia aka ebebu yɛishu lũ akɔ Owusoso Akaa.

Nɔyɛkɛ anunɔ gɛ yɛtɛyɛyɛkɛŋãa kakpɛ oguɔ tsyɛ ɔkpɛ wɔnɔishi, tɛ nɔtɛ ozokulu ebhu nɛ ebui wawlãkɛ shu.

Afana wonu pɛ kɛlɛ sɛ tɛ okulu ebhu nɛ̀ Owusoso Akaa yɛaxɔ̃ɛdɛ? Apaleteɛ ete ko yɛenyi asɛ alɛ piapii alo agɛpɛ. Abalà azã piapii, ɔmɔsɛ Apaleteɛ abalà bhɛtɛ asɛ tɛ akpɛ ogù.