Popular Bible Verses from Romanɛ 13

Share

Nɛ alɛ nɛinye mɛɛ, nɔkɔ bɔlɔkɔ Apalete Yesu Kristo kpɛ ishu asɛ akpɛkpɛ ana, tɛ bɔta zɛbhɛtɛ ekpeɖekpeɖe mɛ nɛ kɛmɔ gɛ bɔmɔ same nɛ kanɔ alɛ mɛebui kpa bhɛbhɛtɛ shu.

Nɔtɛkɔ ɛbhɛ na nà zã ɔnɔ shu, ɔdɛ tɛdɛdɛmɛ nɔ nɛ bagɔlɔ ete ko, ɔmɔsɛ anunɔ gɛ adɛmɛ nɔ nɛ yɛɔhagbo nɔɔ, kɛlɛ abhɛtɛ nɛ ɔsha pete abha.

Kɛlɛ sɛ anɔ nyia anɔ elũ batɔ̃ akɔ bekusiɛ gɛ aŋã bɔlɔ abhaa, ɔmɔsɛ kabha ŋaŋã na nà ma gɛ anɛ Owusoso Akaa yɛedzu alɛ. Kabha ŋaŋã gɛ alɛɛ, Owusoso Akaa yɛedzu alɛ.

Elishibeɛ fala, kɛlɛ keli aza nɛ ɔlɔ ebeke, kliso nɔkɔ bɔshɛ nɛ ahɔɛ nɛ otumũ mɛ ebui bhɛbhɛtɛ shu, tɛ bɔlɔkɔ keyudɔ̃ dadalɛ kpàta.

Tɛdɛdɛmɛ nɔ nɛ anɔ tɛmana kibui kpa nɛ ɔhagbo ishi. Kliso ɔsha nabha tɛbhɛbhɛtɛ ibui nu tɛdɛdɛmɛ nɔ nɛ anɔ.

Anɔ ka nyia ka shu gɛ nɔdɔ ɛbhɛ tiliɛ, nɔbuia ɛlɛ ɔkɔɛ, ɔmɛa dzyɔ awɔ wɔnɔ shuɔ, nɔbuia alɛ, kɛxɔ̃ɛ nɔnɔ ɛtakpu gɛ kɛlɛ ɔsɛ tɛ nɔbuia kadzyɔɔ, nɔbuia alɛ, anunɔ gɛ kɛlɛ ɔsɛ nosi yɛifuɔ, tɛ nosii, kɛlɛ anɔ gɛ kɛlɛ sɛ tɛ nɔkpɛ ɛtakpu esi ɔkɔ yɛɛ, nɔkpɛ ɛtakpu esi ɔkɔɛ.