Popular Bible Verses from Matiye 28

Share

Kire nɛ̄, yeri waa ye sa kùlogolo siɛnfeliye yi mìɛni caa, ye- pe kpíʔile mi pìtɛnmɛnɛ, yéri pe batiize Tuufɔli, nɛ́ Jaafɔli, nɛ́ Kulocɛliɛ Pìle, peli míʔɛ nɛ̄. Yéri pe tìí pe- mi kele ke mìɛni cò, gàli mi 'tìɛ yeli nɛ̄ gèle. Mi wè, mi yē nɛ́ yeli ní cɛnyɛ yi mìɛni, fúɔ bè pa nɔ̀ duniya kúɔmɔ nɛ̄ bè.»

A Zezi wi 'sìʔɛrɛ nɛ̀ kpɔni pe nɛ̄, nɛ̀ ki juu pe mɛ́ nɛ́ pe yɛ: «Fànʔa ki mìɛni yē mi mɛ́ nyìʔɛnɛ nī lè, nɛ́ dàala ní lè.

A nyìʔɛnɛ tundunwɔ wi 'juu nɛ́ cɛlilɛ bálì ní bèle nɛ́ pe yɛ: «Yeli bèle ye fǎri fìʔɛ́ʔ, mi nyɛ́nì ki cɛ́n Zezi ŋáà pe 'kóri tiiparigɛ nɛ̄ gè, wire yeli nɛ caa. Wi wè náʔa gèʔ. Wi 'nyɛ́ nɛ̀ yiri majo bɛ̀ wi cé ki juu gè. Yeri báan ye pa nyaa tiʔɛ gíì nī pe cé wi le wè.

A Zezi wi sí pe yɛ: «Ye fǎri fìʔɛ́ʔ. Yeri waa ye sa ki juu mi siinyɛninɛ mɛ́ bèle, peri waa Galile tɛ́nimɛ mɛ́, pe báa mi nyaa kire tiʔɛ nī.»

A peli sɛ́nì pínɛ nɛ́ liɛlɛ ní bèle a pe 'pìye nyaa nɛ̀ juu. A pe 'wali kɛn nìʔɛwɛ kapiɛngbuɔnnɔ mɛ́ bèle, nɛ́ pe yɛ: «Ye- ki juu ye jo, ‹Wi pìtɛnmɛnɛ pe 'weli yaʔa weli nɛ ŋɔ́ni, nɛ́ sɛ́nì wi yùu nɛ̀ líɛ pìlige nī gè.› A fànʔafɔli wi 'tire dáà lúʔu dè, weli bé juu bè wi fungo nyígi gè; kire kɛnmɛ báà nɛ̄ bè, bà piyè yeli yiɛyɛ gbɛ̀n yèʔ.» A pe sí wali suɔ wè, nɛ́ kele kpíʔile gèle mɛni pe cé ki juu pe mɛ́ bèle. A kire siɛnrɛ dáà ti 'cɛ̀ri Zuufulo pe mìɛni sunʔɔmɔ nī bè nɛ̀ pɛ́nì nɔ̀ pàngɛ gè.