Popular Bible Verses from Matiye 27

Share

Bà cɛngɛ ki pɛ́nì cɛ̀li lɛ̀lɛ níì nī lè, a Zezi wi 'kòkuulo wáa kpuʔɔ, nɛ́ jo: «Elii ! Elii ! Lema sabakitani ?» Ki kɔri wi 'jo: «Mi Kulocɛliɛ, mi Kulocɛliɛ, gáa nɛ̄ muɔ 'mi wáa ?»

Kire lɛ̀lɛ nī lè, a Kulocɛliɛ Gbùʔɔrɔsaʔa gunbɔli fɛ̀ni wi 'ciɛn nɛ̀ ki líɛ naamɛ gè nɛ̀ pɛ́nì tìgi táanmɛ gè; a dàala ni 'cúungo cúungo, a sìndɛnigbaʔala ke 'folilo nɛ̀ jabari. A kpɔ̀ngɔlɔ ke 'folilo nɛ̀ múgolo, a Kulocɛliɛ wuulo nìʔɛnɛ 'nyɛ́ nɛ̀ yiri pe nyɛyɛ nī yè.

A Zezi wi ní nɛ̀ kòkuugbuɔlɔ wáa, nɛ́ kùu.

Kapiɛngbuɔnnɔ dabataan kàfɔli ŋíì wi 'puu baa nɛ̀ Zezi wéli wè, wire nɛ́ wi kapiɛngbuɔnnyɛninɛ ní bèle, bà wire dàala nyaa lè á ni 'cúungo mmɛ gè, nɛ́ gàa ki mìɛni nyaa gè, a fíɛrɛ 'wi cò kpuʔɔ, a wi 'jo: «Kányiʔɛ tɔ̀ni gī, Kulocɛliɛ Jaa wi 'puu ŋàa wè !»

Bà cɛngɛ ki pɛ́nì yéri nyùgo nī lɛ̀lɛ níì nī lè, a yebilige 'jíin dàala nī lè tiɛrɛ ti mìɛni nī, fúɔ nɛ̀ pɛ́nì taa a cɛngɛ ki 'cɛ̀li.

A Pilati wi sí pe yɛ: «Mi sí gáa kpíʔile nɛ́ Zezi ní wè, ŋàa pe ye Kirisi wè ?» A pe mìɛni 'jo: «-Wi kóri tiiparigɛ nɛ̄ !» A wi sí pe yɛ: «Gáa sí wi 'kpíʔile sìpiʔi gè ?» A pe ní nɛ̀ kàa taʔa pe yékpuʔulo nɛ̄ gèle, nɛ́ jo: «-Wi kóri tiiparigɛ nɛ̄ !»