Popular Bible Verses from Mariki 6

Share

A Zezi wi 'pe yɛ: «Yeri báan we- kɛ́ larigɛ nī ye sa ŋɔ́ ye taa cɛ̀ri.» Ki 'nyaa siɛnnɛ pe 'puu nɛ gbunʔuni nɛ tɔ́ngi pe nɛ̄ nìʔɛbɛlɛ, larigɛ sì cé ní nɛ̀ puu baa pe- gbɛ̀ taa bè lìiʔ.

A Zezi wi 'pe yɛ: «Siɛnnɛ piyē nɛ tɔ́ri nɛ́ Kulocɛliɛ siɛnjuuwo ní wè tiɛrɛ ti mìɛni nī, nɛ̀ sí ki taa wi wè nɛ kpuʔɔrɔ tari wi kàʔa tíimɛ nī gèʔ, nɛ́ wi saʔa wuulo sunʔɔmɔ nīʔ nɛ́ wi narigɛ wuulo sunʔɔmɔ nī bèʔ.»

Bà Zezi wi sɛ́nì yiri kɔ́ri nī gè, nɛ̀ siɛnniʔɛmɛ nyaa bè; a pe nyinimɛ 'jíin wi nī kpuʔɔ. Pe 'puu bɛ̀ sìnbaara tíɛlɛ, nàʔavɔli fùn. A wi 'fali nɛ pe tɛnmɛ kele sáa nɛ̄ sɛni.

A kire 'ki kɛn Zezi sì kakpoliyo kpíʔile baa ki kàʔa nī gèʔ. Yaala pálì cɛ̀ri yákuɔ nɛ̄ wi cé kiyɛ taʔala yè nɛ̀ pe puʔɔ. Ki cé wi fungo wúɔ bɛ̀ piyè cé tɛ́ngɛ wi nɛ̄ wèʔ. A wi 'kò nɛ nyaari ki tiʔɛ tɛ́nimɛ vòyo nī yè nɛ Kulocɛliɛ siɛnrɛ nyu dè siɛnnɛ mɛ́ bèle.

A Zezi 'fali nɛ̀ búrulo kogunɔ líɛ bèle nɛ́ fúɔlɔ siin ní bèle, nɛ̀ yiʔɛ yɛ̀gɛ gè nyìʔɛnɛ nī, nɛ̀ Kulocɛliɛ síɛri wè. Nɛ́ fali nɛ̀ búrulo kúnminɔ bèle nɛ̀ kɛn wi pìtɛnmɛnɛ mɛ́ bèle, a pe 'wi liɛlɛ siɛnnɛ nɛ̄ bèle. Nɛ́ fali nɛ̀ ní nɛ̀ fúɔlɔ kúnminɔ bèle nɛ̀ pe kɛn, a pe 'pe liɛlɛ nɛ̀ tóri siɛnnɛ nɛ̄ bèle. A pe mìɛni 'káa nɛ̀ tín, a búru káagoriro ti 'juɔnyiʔɛnɛ kiɛ nɛ́ siin nyì, nɛ́ fúɔlɔ bálì pe cé kò bèle.