Popular Bible Verses from Kut 13

Share

Manya egyo nsi yoona ei orikureeba, ndyagikuha iwe na baijukuru baawe ebiro byona.

Looti ku yaaherize kutaana na Aburahamu, Nyakubaho yaagira Aburahamu ati: Naga amaisho nooyema ah'ori, oreebe orubaju rw'obukiizi-bwa-bumosho n'orw'obwa buryo, burugwa-izooba na burengyerwa-izooba.

Ndyakanyisa baijukuru baawe, babe nk'omucuucu gw'ahansi. Omuntu ku yaakubara omucuucu gw'aha nsi, na baijukuru baawe bakaabarwa.

Reero Aburahamu yaagira Looti ati: Reeba nyowe naiwe twine obuzaare. Mbwenu ka turekye kugirirana empaka, abashumba baawe n'abangye bakaguma nibatongana.

Aburahamu atyo afurura eihema rye, agyenda atuura haihi n'emivure ya Mamure omuri Heburooni; ayombekyerayo Nyakubaho eitambiro.

Looti atyo ainamura amaisho, areeba omwegyeego gwa Yorudaani ogurikugarura Zoari gubobeire hoona. Obwo Nyakubaho atakacwekyereize Sodoma na Gomora; guri nk'omusiri gwa Nyakubaho, nari nk'ensi ya Misiri.