Popular Bible Verses from Kut 26

Share

Oshuuhuukire omuri egyo nsi, haza naanye ndyaguma naiwe, nkuhe emigisha, ahabw'okuba ezo nsi zoona ndyazikuha iwe na baijukuru baawe, mpikiirize endahiro ei naarahiire Aburahamu sho.

Ndyakanyisa oruzaaro rwawe rube nk'enyonyoozi z'omu iguru, haza baijukuru baawe mbahe ezo nsi zoona; kandi omuri baijukuru baawe amahanga g'omu nsi goona nimwo gariheerwa emigisha. Ahabw'okuba Aburahamu akaanyorobera, yaakora ebi naamuragiire: Nibyo biragiro byangye n'ebi naataireho n'amateeka gangye.

Okwo yaarugayo yaatimba erindi iziba, kwonka eryo tibaaritonganira, nikwo we kuryeta Rehoboti, amakuru ngu, hati Nyakubaho yaatuha ah'okweshandira, nitwija kukanyira omuri egi nsi.

Reero Nyakubaho yaamubonekyera, yaagira ati: Otashuuma Misiri; guma omu nsi ei ndaakugambire.

Isaaka yaayombekayo eitambiro, yaaramizayo Nyakubaho kandi yaayeteererayo eihema. Okwo nayo abairu ba Isaaka baafukurayo eiziba.