Popular Bible Verses from 2 Abhakörintö 1

Share

Akumibhwi Waryobha, Suwaabho Omonene uwëëtö Yëësu Kiristo, Taata nyamaabhë, Waryobha ono aköröörësya ko amangʼana ghonswe igho. We akötöghösörrya mu-nyanko iyëëtö yonswe igho, okore na bhëëtö bhonswe töghösörri abhandë bhano bharëngë mu-nyaanyi yoyonswe eera, kya bhono bhëëtö tököghösörribhwa na Waryobha.

Mbe, kya bhono tukunyoora inyanko insharu ko okoghera iya Yëësu Kiristo, ni-ighoigho Waryobha arëtöghösörrya bhököngʼu okohetera ku-Yëësu Kiristo.

Obhoheene ntwaarenga kya abhantö bhano bhaabhotorrwa ikiina igha bhakwe. Engʼana iyö yaaikörrë, okore totakaisegha singuru isyëtö, kasi tweseghe Waryobha ono akuryökya abhaku.

Mbe, Waryobha ono yatwahora, we akotokora toranagha ku-Yëësu Kiristo, bhëëtö hamwë na bhëënyu. Waryobha, we yaatomaameka umuhuri ughwaye, kora akatohaana Umwika Ömöhörëëru mo-senkoro isyëtö, abhe ekebhete ikya ghonswe igho ghano aretohaana.

Nokaanyoora toranyanka, kasi n-ko okoghera iya ököröörësibhwa ukwënyu na ököhönibhwa ukwënyu. Ghwiki igha, hano twaghösörribhwa, na bhëënyu bhonswe nköghösörribhwa mörë. Ököröörësibhwa kuyö, nko koraaghere möghömërri inyanko kya eeraeera na bhëëtö bhonswe tukunyoora.