Popular Bible Verses from 2 Abhakörintö 4

Share

Ku bhuyö, totakaamaaherra ëbhëntö bheno bhekomaahekana ko-maiso, kasi tomaaherre bheno bhetakomaahekana. Bheno bhekomaahekana, m-bya ibhagha ike igho, kasi bheno bhetakomaahekana, m-bya amakora ghonswe igho.

Mbe, kiyö nkyo kekoghera totakukwa emetwe, nokaanyoora ëmëbhërë ighyëtö gheno nkughunda ghërë, kasi senkoro isyëtö, nkokorwa sërë bhohya sinsikö syonswe igho. Nkoghamba ndë igho, ko bhoora igha, inyanko iyëëtö ëhöhö eno, iya ribhagha ike igho, nkotoreetera ërë ubhuhika obhonene bhököngʼu ubhwa amakora ghonswe igho.

Nkunyanka törë kera ahasë, kasi tetokokerwa hë. Torahaha, kasi titukukwa emetwe hë. Nkoteeswa törë, kasi Waryobha hamwë arë na bhëëtö. Nkotemwa törë hansë, kasi titukusikibhwa hë.

Bhëëtö bhano toona emongo iyö, ntonga kya ëbhëntö bheno bhyaabhombwa ukurwa ku-rirobha. Ku bhuyö emanyekane igha, obhotoro ubhwa ököröghöörya bhono toonabho, nku-Waryobha bhukurwa, tu-bhwëtö hë.

Amangʼana Amaiya teghakomanyekana ko-bhantö bhayö, ko bhoora Oghosambwa, oghokama ughwa ekebhara keno, ghoroghaini emetwe ighya abhantö bhano bhatakukumya. Nkyo kekoghera bhatakomaaha obhorabhu ubhwa Amangʼana Amaiya agha emerengaari ighya Yëësu Kiristo, uyö we ituubho iya Waryobha.

Waryobha ono yaaghambirë igha, “Obhorabhu bhömërëki ukurwa mu-kisuntë,” we uyöuyö akömërëkya mo-senkoro isyëtö, okore atohaane obhorabhu ubhwa obhomanyi ubhwa emerengaari ighya Waryobha gheno ghëkömërëkya ku-bhusyö ubhwa Yëësu Kiristo.