Popular Bible Verses from Abhaëfësö 1

Share

Ghwiki nkobhasabhera ndë igha, abhatöörri momanye obhoheene, okore momanye ubhweseghe bhono yaaraghaini kö-bhëënyu hano yaabhabhërëkëëyë. Momanye ubhwaru ubhwa obhongʼoore ubhwaye bhono yaaraghaini igha akaahaayë abhantö abhaaye. Nkosaasaama ndë igha, abhahaane obhotoro ubhwaye bhono bhokokera ëbhëntö bhyonswe igho, kö-bhëëtö bhano tukukumya Kiristo Yëësu. Obhotoro bhuyö mbwo bhökötötöörrya ukumukumya. Obhotoro bhuyö m-boora bhoora ubhwa singuru sinsharu seera, seno Waryobha yaaryökëëyi Kiristo Yëësu ukurwa mo-bhaku, akamwikarya bhoryo ubhwaye, ahasë hano hatakomaahwa. Kiristo uyö, nkotonga arë abhatöngi bhonswe igho kighörö iyö, abha ubhwera, abha singuru, abhanene na ibhyeo bhonswe igho bheno bhemanyekaini te-kokebhara kono aheene igho hë, kasi kora na ko-kebhara keno kiriisha.

Keno Waryobha yaakörrë, nu-kutwahora tobhe abhantö abhaaye ko okohetera kö-bhömwë ubhwëtö na Yëësu Kiristo. Yaakörrë igho, kora ataraabhomba ëbhëntö bhyonswe igho ibhya ko-kebhara kono. Waryobha yaatwahora okore tobhe abhahörëëru abhaaye bhano totaana risoro ryoryonswe reera. Ko okoghera iya righonshe iryaye, yaasëëmëri ukurwa kare igha atokore tobhe abhaana abhaaye. Yaakörrë igho, ko okohetera ko keno Yëësu Kiristo yaakörrë, ni-igho yaatunirë igha akore, na engʼana iyö ekamushomera.

Ko okohetera amaanyinga agha Kiristo Yëësu, Waryobha yatutungurya, igha, atwabhëëyë ëbhëbhë ibhyëtö okorengʼaana na ubhwaru ubhwa örööbhö urwaye.

Bhamurë, ni-igha tukumi Waryobha uwa Omonene uwëëtö Yëësu Kiristo, na we Suwaabho Omonene uwëëtö uyö. Waryobha yaatokorra amangʼana amaiya agha obhongʼoore bhwonswe igho ubhwa ahasë hano hatakomaahwa, ko okohetera kö-bhömwë ubhwëtö na Yëësu Kiristo.