Popular Bible Verses from Abhaëfësö 2

Share

Ko bhoora igha Waryobha yaatobhomba, na kö bhömwë ubhwëtö na Kiristo Yëësu, yaatobhomba bhohya, okore eteemo iyëëtö ebhe iya okokora amangʼana amaiya ghano yaatösëëmëëyi ukurwa kare igha toghakore.

N-ko okoghera iya örööbhö urwa amaabhë aghaaye, nkyo kyaaghërrë Akabhatöörya ku umukumo ghono moonagho ku-Yëësu Kiristo. Tiyabhatöörya ko okoghera igha mwaamokorra ëkëntö kyokyonswe keera, ti-igho hë, kasi iyö ni-tuho eno Waryobha yaabhahaana. Tiyabhatöörya ko okoghera iya ëkëntö ikiiya kyokyonswe keera mwaakora hë, ku bhuyö ömöntö wowonswe oora atakaihasha.

Kasi bhoono ko bhoora Waryobha naana amaabhë bhököngʼu, natohanshirë ku righonshe iryaye reno retaana umuhiko. Ntwaarë kya abhaku ko okoghera ukwa obhosarya ubhwëtö, akatohaana öbhöhöru obhohya kya bhono yaahaana Yëësu Kiristo. Amaabhë agha Waryobha, ngo ghaaghërrë akabhatöörya.

Waryobha akaturyökya ukurwa mo-bhaku hamwë na Kiristo Yëësu, akatwikarya totonge hamwë na Kiristo ko-hasë hano hatakomaahwa. Yaakörrë igho ko okotohaana öbhömwë na Kiristo Yëësu.

Mbe, ukurwa bhoono igho, bhëënyu tërëngë igha, m-baghëni mörë, handë igha abhangʼaanyëri abha ku-kyaro ikyëndë, kasi bhëënyu ni-komo imwë mörë na abhantö abha Waryobha. Bhoono bhëënyu na abhantö abha mu-nyumba iya Waryobha mörë. Bhëënyu mobhaayë kya inyumba eno yaahaghaashwa ku-musingi, na umusingi ghuyö, na-bhatomwa na abharööti, na Kiristo Yëësu umwene n-kya reghena irya mo-koona iya umusingi ghuyö.