Popular Bible Verses from Ruuka 4

Share

“Umwika uwa Omonene Waryobha, hamwë arë na öni. Anyahööyë ndaarekere abhatöbhu Amangʼana Amaiya. Antömirë ndaarekere abhabhohe igha, mbaraahaaterwe ukurwa mo-kebhohe, ntëëbhi na abhahukuru igha, mbaraamaahe, nhaane öbhötöönööni bhano bhakunyankibhwa. Antömirë ndaareke enkaagha iya obhongʼoore ubhwa Omonene Waryobha.”

Yëësu akaghohonshora igha, “Mo-Maandeko Amahörëëru yandëkirwë igha, ‘Ni-igha osaasaame Omonene uwaaho Waryobha, na ukumwighwera umwene igho.’  ”

Yëësu akaghohonshora igha, “Ti-igho hë, yandëkirwë mo-Maandeko Amahörëëru igha, ‘Ti-bhyakorya ibhyene igho, igha mbyo bhekohaana ömöntö öbhöhöru.’”

Yëësu yaakyörrë ukurwa ko-mooro ughwa Yorodani aishööyë Umwika Ömöhörëëru. Akabha aratangatwa na Umwika Ömöhörëëru ku-riköngö iyö.

Yëësu akaghohonshora igha, “Yandëkirwë mo-Maandeko Amahörëëru igha, ‘Otakaashaashya Omonene uwaaho Waryobha.’  ”

Hano Oghosambwa ghwaamarrë ukushaashya Yëësu, ghokamutigha, ghokaghya ukutuna umweya ughwöndë ughwa ukumushaashya ghwiki.

Hano ghayö ghaahööyë, Oghosambwa ghokamuhira ku-nguku entambë bhököngʼu, ghokamwörökya ibhyaro bhyonswe igho ibhya ko-kebhara kono, kamwë igho. Ghokamötëëbhya igha, “Nendaakohaane ubhwera ubhwa okotonga ibhyaro bhiyö bhyonswe igho, na ubhwamë ubhwamo. Ko bhoora ghonswe ghano nö-öni naahaanwa, ndatora okohaana ömöntö wowonswe igho, kya bhono nkutuna. Ku bhuyö hano oraanyaghamere onsaasaame, nendaakohaane ghonswe igho ghayö.” Yëësu akaghohonshora igha, “Mo-Maandeko Amahörëëru yandëkirwë igha, ‘Ni-igha osaasaame Omonene uwaaho Waryobha, na ukumwighwera umwene igho.’  ”

Ho Oghosambwa ghwaamuhirrë Yërusarëëmu, ghokamwimërrya kighörö iya ekenono ikya risengerro. Ghokamötëëbhya igha, “Nyoore m-Moona uwa Waryobha örë, irekera hansë ukurwa hano törëngë. Ko bhoora yandëkirwë mo-Maandeko Amahörëëru igha, ‘Waryobha naraatome abhamaraika abhaaye, bhakorende,’ “Na ghwiki igha, ‘Bhakogheghe mo-mabhoko aghaabho, okore otakaashe wituuretuure kwe-ghena.’  ” Yëësu akaghohonshora igha, “Yandëkirwë mo-Maandeko Amahörëëru igha, ‘Otakaashaashya Omonene uwaaho Waryobha.’  ”