Popular Bible Verses from Johannes 1

Share

Nge iö kana ra etiwa o lükü i a ngeniir manaman pwe repwe wiliti nöün Kot.

Mwen än Kot föri fanüfan ewe Kapas a fen nom. Ewe Kapas a nom ren Kot, a pwal eäni sokun Kot.

Ewe saram a tittin lon rochopwak, nge rochopwak esap tongeni akufu.

Ewe Kapas a wiliti aramas o nonom lefilach. Sia nengeni an we ling, ewe ling Saman a ngeni, pun i Nöün Aleman, a uren ümöümöch me let.

Kot a föri mettoch meinisin ren ewe Kapas, esap wor och lein förian kewe a för lükün i. Ewe Kapas i ewe popun manau, nge ei manau a uwato saram ngeni aramas meinisin.

Iwe, sorotän ewe rän Johannes a küna pwe Jesus a feito ren, iwe, a apasa, “Iei i ewe Lamen Kot a uweela tipisin chon fanüfan.

A nom lon fanüfan o fanüfan a för ren, nge fanüfan esap silei i. A tori fanüan, nge aramasan resap etiwa.

Iei ewe saram mi let, a feito fanüfan o asarama aramas meinisin.

Kot a ngenikich ekewe allük ren Moses, nge ümöümöch me let a torikich ren Jesus Kraist.