Popular Bible Verses from Máakúsʉ 10

Share

Ńté ńgó Môu Ŋuu* kâa lə tô yé ndəu ndesé ńgó pye-mə́soŋ fâʼ mbó zʉ́, a lə tô pə́ lə̂ fáʼ mbó pye-mə́soŋ, ə́ mbou nkwʉ́ ńté tû záp.»

Yěso nâŋtə gháp tə ndáʼ ngô: «Ə́ tsə̂ pə̂ pye-mə́soŋ, mboʼ ə́ tsə̂ yé Sê po, ńté no a kûʼ lə̂ ngʉ́ zə̂u tsəm.»

Yěso lâʼ lə́ zʉ́ ngô: «Lər ghô, pə̂i-ntə̂ʉ zô ghʉ o shwîtə.» Pə̂ mpfu wêi mpfu wêi, a jî lə̂ nkə́ ncí njwó yʉʼ, ə́ ntsə́ʉ nzəm Yěso gháp pə pǎp lər.

Ghíʼ ə́ kə́ mbə́ yə́rə́ lə̂, ŋuu-məsoŋ páa lə̂ shághʼə́ zə̂u yi Sê təmtə́.

Yěso nâŋ yé, no yé poŋ yé, a lâʼ lə́ zʉ́ ngô: «Tâʼ zə̂u pyěr mə́ mbúŋ yi o wo ghʉ̌. Wo nǎa fə̂i məzə̂u mô mə́tsəm, ə́ ngaptə́ nkâp zěi lə́ pəpûŋ, ə́ ngʉ̌ ngwô mǐ lěi měi tʉ̌-lə́pû. Wo ngʉ̌ yə́rə́, ə́ mbə̌ʉ ńtó ńtsə́ʉ nzəm məŋ.»

Yěso túŋu yé ngô: «O koŋ ńgó məŋ ngʉ́ gháʼá lə́ gho?» Fwoghʼ-mə́nyôghʼ wêi pwôr lə́ zʉ́ ngô: «Cícye, ghʉ n nkə́ ncí njwó yʉʼ.»

Lə́ kâa ghwô yé lə̂ ḿbə́ yə́rə́ təcər pei. Ŋuu lə̌i mə́ nkôŋ lə̂ mbə́ ŋuu njwǐ təcər pei, a pə̂i lə̂ mbə́ ngaŋə-faʼ wei.

Məŋ ndâʼ wéi kwaʼ lə́nə́ʉ ńgó ŋuu lə̌i ndə́iʼ pfú no Ləfou Sê ghíʼ mə́ceʼé môu po, a lâʼ nkə̂u yé cər wó po.

Lələʉ lə́ pəluŋ-mbi pye táa cʉ́ʼ pəlyəghʼ-nzəm, lələʉ lə́ pəlyəghʼ-nzəm póu cʉ́ʼ pəluŋ-mbi.»

Lə́ tə fú lənuŋú ngoŋ, Sê tsúŋu ŋuu mbiŋə gháp məngyě. Ə̂ zə̂u yi ə́ ghʉ̌, ŋuu mbiŋə ghwo lə̂ nyáŋ tə fâghʼ mbəʉ ye lə́ tə́ ye gháp mə́ ye, ə́ ngwo ncə́r ngwě ye. Gháp zʉ́ tə̂mtə́ ńcʉ́ʼ tâʼ ŋuu. Ə́ leitə yə́rə́, lə́u gháp kə̂ mbə̂ gháp pye pə́pwô po, ə́ ncʉ́ʼ ḿbə́ pə́ tâʼ ŋuu.