Popular Bible Verses from Lucas 6

Share

A'wik yi ja tuk jumasa ja jas t'ilan oj makunuk yuji, jachuk ja we'nlexi oj ya' wi'ex ja Dyos ja jas t'ilan oj makunuk a wujilexi. Ja smeranili jach' oj ya' wi'ex ja Dyos ja we'nlex ja jastal waxa wawex yi ja tuk jumasa. Trigo k'a waxa wa'awex, juni ye'tal trigo t'inan lek oj a'juk a wi'exa, mi t'ilanuk we'n oj wa ja le'ex.

Ja ma leki, lekni ja jas wa sk'u'lana, yujni lek ja jas tey b'a sk'ujola. Ja ma mi lekuki, mi ni lekuk ja jas wa sk'u'lana, yujni tey sk'ujol ja b'a mi lekuka. Yuj ja jas wax yala, ja'yuj wa xna'xi jastal ay ja sk'ujoli.

—Yajtayik ja wa kontra'exi, k'u'lanik ja b'a leki, a'ab'ajik majan mok a majlayex oj a'ji kumxuk a'wi'ex slok'ol. Jach' k'a waxa k'u'lanex, jel niwan ja wa ts'akolex oj ya'wi'ex ja Dyos it jel niwani, yuj ja yuntikilex ni'a. Ja Dyosi jel lek cho jach'ni sok ja ma' mi lek jas modo.

Ja we'nlexi, jel t'ilan oj ajyuk syajal a k'ujolex sok spetsanil ja kristyano jumasa, jach'ni jastal ja Dyos wa tatex jel lek sk'ujol sok b'a spetsanili.

Ja Jesusi, cho yal yabye: —Mok a wa'a wochel wa mojexi, jach'ni ja we'nlexi mi oj ya'ex yochel ja Dyosi. Mok a t'en'ex ja tuki, jach'ni ja Dyosi mi oj st'en'ex ja we'nlexi. Mok a wa'wex stup ja smul wa mojexi, jach'ni ja we'nlexi, mi oj ya a tup wa mulex ja Dyosi.

—Maklayik lek ja jas wax k'ana oj kala wabyexi: yajtayik cho k'u'lanik yi b'a lek. Ja ma' wax yutajexi, mok a wut'ex ja we'nlexi, ay k'a ma mi skisawex k'umanik ja Dyos yuj ja ye'nle'i.

K'u'lanik yi ja we'nlex ja tuk jumasa ja jastal waxa k'ana oj k'u'lajuk a wi'ex ja we'nlexi.

Ay k'a ma' spojo yi junuk ja wa choji', cho sutuyi' ja juni, ay k'a ma' wa sk'anawi wa chompa, cho a'yi wa k'u'i. Ay k'a ma' jas wa sk'ana a wi, a'yi, ay k'a ma' wax yi'aja wi wa jasa b'aji, mok a k'an yi slok'ol.

Cho yala ja Jesusi: —Mini jun te' b'a lek, oj satinuk malo, cho mini jun te' b'a mi lekuk oj ya' sat b'a lek.

B'a kada tik'e te' wa xna'xi sb'aj, yuj ja sat wa xya'a: b'a jun ib'e k'i'ix mi oj ya b'ob' a tul igo sok mini sat ts'usub'.