Popular Bible Verses from Okuruga 9

Share

Kyonkai aha rw'enshonga egi nkulekire buleka kukwoleka obushobora bwange, eiranga lyange limanyike omu nsi yona.

Omukama agambira Musa ati, “Ogende omwa Farao omugambire oti, ‘Omukama Ruhanga w'Abaheburania nagamba ati, Otaishure abantu bange bagende banfukamire.

Enshonga mbwenu aha nakubaire naimukize omukono nakuteize endwara iwe n'abantu bawe, wakubaire wafire ensi yarandukire.

ebitunganwa byawe ebili omu malisizo: Efarasi, endogobe, engamia, amahyo g'ente n'ag'entaama, ndabiteza ekibundo ekibi muno. Eby'Abaisiraeli arabishorora omu by'Abamisiri, taliho kitunganwa kya Mwisiraeli ekirafa.’ ”

Nyenkya nka mwaha ndagwisa enjura mpango muno ey'orubare, etakabahoga kwema Misiri ebaireho kuhika mbwenu. Aha rw'ekyo otume batahye ebitunganwa byawe neby'oinabyo omw'ishwa byona, kuba omuntu n'ekitunganwa ekirashangwa aheru kitakatahire nikija kuterwa orubare kife.’ ”

Lirahinduka chuchu esesenukire omu nsi yona ya Misiri, lilete ebihute ebilikufumuka, abantu n'ebigunju omu nsi yona ya Misiri bagire ebironda.” Bayora eijwi elyo omu kyoto, bemelera omu maisho ga Farao, Musa alituntumulira eiguru, abantu n'ebigunju baterwa ebihute, bifumuka biba bironda.