Popular Bible Verses from Tlehhema'aá ya/Abuuse 2

Share

Petro iri oó', “Hhu'u'uumé', tundu baatimiisi ar umuú Yesu Kristo, as tlakweemaahúng kiwa gurtlay, nee daqaní kuungá' Qeeruú hhoohhoó' u sleerá'.

Tari kumiít baraá intsaahhasár ya/abuusér wa ale, nee baraá dinkwár Kríshaanáy, nee tam baraá muruú /aymár Aakoowo sleeme, nee baraá firooro.

Sleémeero kiri hatsiís Qeeruú hhoohhooe. Tari axweés ar tsifrír dimbadimbé, adoodá' Qeeru ngira aleesleemuú i haniís ilawatsto.

Fur'ár dooraá daahh niri hardát ar gaanslaay, a adór fur'ár baambao, ar fukukuu' ar /uuru. Fur'adá' do'dá' inooín i dirii'iya' sleémeero guri hatsís. Muruú adór tsitór asla niri ti'iít, tiri partliít, iri iwiwiít dír umuúqo heé i alé, oo dir'ín tidá' i dirií'. Sleémeero kiri hatsiís Qeeruú hhoohhooe. Tari axweés ar tsifrír dimbadimbé, adoodá' Qeeru ngira aleesleemuú i haniís ilawatsto.

Umuúqo deelooro tari dogiitiyé' ar muunuú wák baraá Doó Mungú wa ale. Muruú /aymár Aako kuna /aáy dír umuúqo dó' wa ale, muruú /aymar'ín kuri /aáy ar qwala/, nee ar muunuú /awaák. Mungú kuri sluufimiís, nee muu sleémeero kuri sla'atimís, Aako mukós guri tlahhás umuúqo deelooro ar mukdá' taa ba/amiimís.

‘Mungú ina oó', Adoorí an adoodá' ni tleehh bál deelór alhhe'eesaywo, aníng muu sleémeero un Qeeruueé' i haniís, daaqayhúng nee dasuuhúng tari aariirín, masoombarhúng iigu'utu guri aán, nee bariiserhúng iri tlatitiín.

Mukdá' sleémeero aa haratlintii' tari dír wák wa iwiwiít, muruuín sleémeero a dinkwa. Daqaari'iimar'ín kari weeramiís, nee muruuín kudá' i kon'a kuri qasmiís dír umuúqo heewo ar hariimadá' qoom.

Nee umuúqo heewo oo umuú Aako gwa ateeti i ba/án.’

Tsee/amá iri warqáy iri giwti tleehhiit, nee slahhaangw iri tseere tleehhiit, dír qoomár deelór Aako nira xeeriiká, tidá' ak ur.