Popular Bible Verses from Tlehhema'aá ya/Abuuse 5

Share

Petro nee ya/abuuse tari oó', “Gár atén tiwa hariím a Mungú un ilaiwawa/aán ta muko.

Nee umuúqo daqto baraá Doó Munguhe, nee dír maray'ine, axweesantá Mungú kaa mayká intsaahhatimisuwo, nee dahaaremisuú Ya/abtór hho' ar Yesu gídaabá inós a Kristo.

Petro iri oó', “Ananía, ahaá, Neetlaangw muunuúwók musungwa hatsiís, tam Qeeruú hhoohhoó' kuri lamtá beér, nee hariímadá' taa sleér yaamu kiwa weerís kari bahh ilá/. Ahaá, qoomár iwa baraá dabaawók i dirii' a togekáhe? Nee qoomár weerisaro kawa hhe'és, i baraá aleesleemuuwogekáhe? Ahaá, adór /aymuuwí pa/aangw ngura sláy baraá muunuúwoge a adoomá? Heé kuúng ta al/ák a heewooká, ala a Mungú.” Anania /aymi'iiká' ngiwa axaás, iri huú' yaamuú i alé, iri gwaá'. Muu sleémeero oo adoodá' gaa axaamiis, daér yaariir guri eér.

Ala gawaá adoorihe aníng kuungá' nun baw, ma gaanslimaara' gawaá daanduú muksinge. Muksíng geemawaak, asma kaangwí laqaá gadiyeérí barnaxes ar dákw hee, i hhitirút. Ala barnaxes amór i dahh a amór Mungú, hhitimaro a aleesleera'aaká. Asma makawa tsaáhh gídaabá kuungá' tawa slaqwa' nee Mungú.” Axweesanaywós kuri ya/án.