Popular Bible Verses from Yohana 11

Share

Yesu iri oó', “Aníng an waasle/ nee slafiingw. Heé aníng iga haratlintii', tim i gwaai, inós i slaaf. Nee kudá' slaáf, nee aníng iri haratlintii', inós i baloó gwaaiiká ay slafíngw alhhe'eesay wásl. Xáy, tí aga haratlintí'i?”

Yesu iri oó', “Án kiíng iga báwiíke, bara haratlintí', xirfuú Mungú u aán.”

Yesu iri /aá/.

Yesu iidíguuwí nguwa axaás, iri oó', “Tiqtisíng ar gwa'araarooká, ala as xirfuú Mungú, as Garmoó Mungú i xurfuuti ar tiqtisíng.”

Yesu adoorí ooaro ngiwa hhe'eés, iri tseé' ar afór ur, “Lasáro, ti'iitáng.” Inósuudá' aa gwaa' niri ti'iít, kwaa untsuús ar inqwaruú tuuaa, iimír ya'aá wa ale ay daba', nee gitse/awós kaa tseék ar warqamo. Yesu iri oó', “Gweeraak, i tlay.”

Yesu iri amoqwaqwadín malé alé baraá muunuúwose, iri hardáh ay dír /aanta. /Aantadá' kaa baraá guruú tlaa/ár i foól, nee tlaa/ár hatlá' kari afkudí qaás.

Yesu axweesanaywí guna axweés, aluuwo iri oó', “Mulqumoorén Lasaro aa guú', nee án hamí a amoodá' káw as nguwa tleesár aw.”