Popular Bible Verses from Yohana 12

Share

Aníng hee bir sagadiyuus, i eehari. Daqaní didaádá' aníng ni diriia, an didá' sagadiyusmooeé' sleeme i dirii'i. Slám aníng hee bir sagadiyuus, heewí ku ilaiwawaa/ nee Baabá.”

Heé slafiingós gu slaá', gu qwaarees, nee heé slafiingós gu aáhh baraá yaamuukaákae, gu ba/amis tam ay slafíngw alhhe'eesay wásl.

Án a kah, ilmoó angaáno bira huuiiká baraá hhapér i alé, iri gwaa', aqo in hootatín adoodá' i dirii'i kilós alé. Ala bira gwaá', na/'aá yaariir gin laqwaal.

Aníng nina baraá yaamuú i hardáh, as niwa gwa/ateemaá yaamu tleehhiit, asma kudá' aníng iga haratlintii' miwa baraá giwtír wa hoót.

Hee bar axweesanay'eé' gwa axaás, ala gwa oohiiká, aníng u sakwasleemuutaaká. Asma aníng naa hardahiiká as muu nguwa sakwasleemuut, gár nisa hardáh a muu nguwa ba/amis.

Mariamu mooyángw ta babay nardo guri taatáhh, oo har qoomár tlaqtá kiílo. Ku hhohhó', slám tlaxoorós ka ló'wa ur. Ya'aá Yesu giri slík, giri fíts ar se'éngw sagós. Nee do da' iri haáts xarángw mooyangwdae.

Loo/ór slaansla kari taataáhh, tari tsee/aá i ti'iít as kuwa al'ay. Tari tsimahhuús ar afór ur, ta kaahi, “Hosana, i xirfuuti kudá' hardáh ar umuú Aako, Waawutmoó múk Israeli.”

Yesu iri oó', “Siiwa aa xeér ar Garmoó Hee kuwa xirfayeesi.