Popular Bible Verses from LUKA 5

Share

A tilara kuma na tuma min na, a y'a fɔ Simɔn ye ko: “Jii ka dun yɔrɔ min na, taa ni kurun ye o yɔrɔ la. Aw k'aw ka jɔɔ fili yen.”

Simɔn y'a jaabi ko: “Karamɔgɔ, an ye baara kɛ ka dugu gwɛ, an ma foyi sɔrɔ. Nga i ka kuma kɔsɔn, ne bɛna jɔɔ fili jii la.” O la, u ye jɔɔ fili. U ka jɔɔ ye jigɛ caaman minɛ fɔɔ jɔɔw daminɛna ka faranfaran.

Yezu tun bɛ to ka taa kongo kɔnɔ a kelen ka Ala dali yen.

Ne ma na mɔgɔtilenninw wele, nga ne nana kojugukɛlaw le wele waasa u ka nimisa ka faran u ka kojuguw la.”

Simɔn Piyɛri y'o ye minkɛ, a y'a kunbiri gwan Yezu kɔrɔ k'a fɔ ko: “Matigi, i kana gwɛrɛ n na, bari ne ye kojugukɛla ye.”

Yezu ye kuma ta k'u jaabi ko: “Mɔgɔ minw ka kɛnɛ, olu mako tɛ furakɛla la, banabagatɔw le mako b'a la.

O tuma na, u segira ka na u ka kurunw bila bada la, k'u ka fɛɛnw bɛɛ to yen ka tugu Yezu kɔ.

Loon dɔ, ka Yezu to dugu dɔ la, cɛɛ dɔ fana tun bɛ yen, kunatɔbana diginin tun b'o la. A ye Yezu ye tuma min na, a taara biri a kɔrɔ k'a dali ko: “Matigi, n'i sɔnna, i bɛ se ka ne kɛnɛya.” Yezu magara a la, k'a fɔ ko: “N sɔnna ko i ka kɛnɛya.” O yɔrɔnin bɛ, cɛɛ kɛnɛyara.

O bɛɛ n'a ta, Yezu tɔgɔ bɔra ka taa nya fɔɔ mɔgɔ caaman tun bɛ to ka taa u lajɛn a kɔrɔ waasa k'a ka kuma lamɛn, walima a k'u kɛnɛya.