Popular Bible Verses from Matye 21

Share

Yãmb na n paama bũmb ning fãa y sẽn na n pʋʋs n kos ne tẽebo.

A Zezi leoka bãmb n yeele: Mam yeta yãmb sɩda, tɩ yãmb sã n tar tẽeb n ka sãmbdẽ, yãmb na n maana bũmb ning sẽn maan kankangã, la ka rẽ bal ye. Yãmb sã n yeel tãn-kãngã t'a yik a sẽn beẽ wã n kẽ ko-kãsengã pʋgẽ, a na n yɩɩ a woto bala.

Neb nins sẽn da be a Zezi taoorã ne neb nins sẽn pʋgd-b bãmbã dag n kelemdame n yetẽ yaa: Hozaana a David Bi-ribla! Bark bee ned ning sẽn wat ne Zu-soabã yʋʋrã zugu! Hozaana hal saasẽ.

La a Zezi yeel-b lame yaa: A gʋlsame tɩ “b na n boola mam roogã tɩ pʋʋsg roogo.” La yãmba, yãmb maan-a lame t'a lebg wagda geongo.

Yeel-y Sɩyõ nebã yaa: Ges-y-yã! Yãmb Rĩmã zaoo bõn-yãanga, bõn-bila, rũng b sẽn zombd biiga, n wat yãmb nengẽ ne sũ-bʋgsem wʋsgo.

A Zezi yeela bãmb yaa: Yãmb nan ka karem gʋls-sõamyã sẽn yetã laa? “Kugr ning tãn-metbã sẽn zãgsã, a lebga roogã pãng kugri, a soakã zĩig kugri. Yaa Zu-soabã n kɩt t'a lebg a woto, la a yaa bõn-kãseng tõnd nifẽ.”

Yaa woto yĩnga mam yeta yãmb tɩ b na n deega Wẽnnaam soolmã yãmb nugẽ n kõ buud a to sẽn na wom soolmã biisi. [