Popular Bible Verses from Tẽn‑tʋmdbã tʋʋmã 1

Share

La Sɩɩg-sõng sã n wa yãmb zutu, y na n deega pãnga, la yãmb na n yɩɩ mam kaset dãmb Zeruzalɛm, la Zʋʋde soolmã fãa, la Samaari, hal tɩ ta dũniyã tɛk fãa.

A Zeezi leok-b lame yaa: Ka be ne yãmb tɩ y bãng wakate la sasa ning m ba sẽn yãk ne noor ning b sẽn tarã ye.

Daar a yembre, a Zeezi da zĩi ne tẽn-tʋmdbã n dɩtẽ, la b yeel-b lame yaa: Da zãag-y ne Zeruzalɛm ye. Pa-y be n gũ bũmb ning m ba sẽn da kãabã, kũun ning mam sẽn da gom ne yãmb a yellã. Bala, a Zã rag n lisa nebã koomẽ. La yãmba, rasem bilf sã n paase, yãmb na n paama lisg Sɩɩg-sõng pʋgẽ.

A Zeezi namsgã zugẽ, b maana bũmb wʋsg n na n wilg b karen-biisã tɩ b vɩɩme. A Zeezi puka b meng ne tẽn-tʋmdbã rasem pis-naase, n gom ne bãmb Wẽnnaam soolmã yelle.

A Zeezi sẽn gom a woto n sɛ, b zẽkame tɩ nebã get-ba. La sawadg lilla a Zeezi tɩ nebã ka leb n ne-b ye.

La bãmb sẽn dag n ket n get yĩngr wakat ning a Zeezi sẽn zẽkdã, haya! Raop a yiib sẽn yer fu-peels waa n yalsa bãmb sɛɛgẽ n yeel-b yaa: Galɩle nebã, yaa bõe tɩ y yas n get yĩngri? Zeezi‑kãngã Wẽnnaam sẽn zẽk tɩ b yi yãmb sʋk to-to n kẽng arzãn tɩ yãmb yã wã, b na n lebg n waa a woto bala.