Tẽn‑tʋmdbã tʋʋmã 1
1
A Zeezi kãaba tẽn-tʋmdbã Wẽnnaam Sɩɩg-sõngo
1 #
Luk 1.1-4
Teofilli, mam dẽenem sebrã pʋgẽ, mam wilga bũmb nins fãa a Zeezi sẽn sɩng n maan la b zãms nebã, 2hal tɩ ta daar ning bãmb sẽn zẽk n kẽng arzãna. Sẽn deng a Zeezi sẽn na n zẽke, b kõo b tõodã tẽn-tʋmdb nins bãmb sẽn tũusã, ne Sɩɩg-sõng pãnga.
3A Zeezi namsgã zugẽ, b maana bũmb wʋsg n na n wilg b karen-biisã tɩ b vɩɩme. A Zeezi puka b meng ne tẽn-tʋmdbã rasem pis-naase, n gom ne bãmb Wẽnnaam soolmã yelle.
4 #
Luk 24.49
Daar a yembre, a Zeezi da zĩi ne tẽn-tʋmdbã n dɩtẽ, la b yeel-b lame yaa: Da zãag-y ne Zeruzalɛm ye. Pa-y be n gũ bũmb ning m ba sẽn da kãabã, kũun ning mam sẽn da gom ne yãmb a yellã. 5#Mat 3.11, Mark 1.8, Luk 3.16, Zã 1.33Bala, a Zã rag n lisa nebã koomẽ. La yãmba, rasem bilf sã n paase, yãmb na n paama lisg Sɩɩg-sõng pʋgẽ.
A Zeezi zẽkre
6La tẽn-tʋmdbã sẽn da tigim taabã soka a Zeezi yaa: Zu-soaba, yaa moasã la y na n deeg Israyɛll soolmã n lebs-ba? 7A Zeezi leok-b lame yaa: Ka be ne yãmb tɩ y bãng wakate la sasa ning m ba sẽn yãk ne noor ning b sẽn tarã ye. 8#Mat 28.19, Mark 16.15, Luk 24.47,48La Sɩɩg-sõng sã n wa yãmb zutu, y na n deega pãnga, la yãmb na n yɩɩ mam kaset dãmb Zeruzalɛm, la Zʋʋde soolmã fãa, la Samaari, hal tɩ ta dũniyã tɛk fãa.
9 #
Mark 16.19, Luk 24.50,51 A Zeezi sẽn gom a woto n sɛ, b zẽkame tɩ nebã get-ba. La sawadg lilla a Zeezi tɩ nebã ka leb n ne-b ye. 10La bãmb sẽn dag n ket n get yĩngr wakat ning a Zeezi sẽn zẽkdã, haya! Raop a yiib sẽn yer fu-peels waa n yalsa bãmb sɛɛgẽ 11n yeel-b yaa: Galɩle nebã, yaa bõe tɩ y yas n get yĩngri? Zeezi‑kãngã Wẽnnaam sẽn zẽk tɩ b yi yãmb sʋk to-to n kẽng arzãn tɩ yãmb yã wã, b na n lebg n waa a woto bala.
B yãka ned t'a led a Zʋʋdaas zĩigẽ
12Dẽ, tẽn-tʋmdbã yii tãng ning sẽn boond tɩ Oliiv tɩɩs tãngã n sig n leb Zeruzalɛm. Tãngã zãrem ne Zeruzalɛm zemsa vʋʋsg daar kẽnd#1.12 Vʋʋsg daar kẽnde: A Moyiis tõogã wilgdame tɩ vʋʋsg daar kẽnd zemsa nao-yakem tusr bala. bala. 13#Mat 10.2-4, Mark 3.16-19, Luk 6.14-16La bãmb sẽn ta Zeruzalɛm, b rʋʋ yĩngr doogã, zĩig ning bãmb sẽn minim n sigdã. Dag n yaa a Pɩyɛɛr ne a Zã la a Zak la a Ãndere ne a Filip la a Toma la a Bartelemi ne a Matye la a Alfe biig a Zak la a Sɩmo sẽn yaa Zelot ne a Zak biig a Zʋʋde. 14Bãmb fãa lagma taab ne yam a yembr n kẽngd taoor n pʋʋsd daar fãa, ne pagbã, la a Zeezi ma a Maari ne a Zeezi ma-biisã. 15Badaare, a Pɩyɛɛr yika a ba-biis a taabã sʋka, la b sõorã da taa neb koabg la pisi. A yeelame: 16M saam-biisi, rag n yaa tɩlɛ tɩ bũmb ning Sɩɩg-sõng sẽn da gom ne a Davɩɩd noor tɩ b gʋls gʋls-sõamyã pʋsẽ, n deng n togs t'a Zʋʋdaas na n lʋɩɩ neb taoor tɩ b wa n yõk a Zeezi wã paam pidsgu. 17A Zʋʋdaas rag n yaa tõnd sullã ned a yembre, la a rag n paama a pʋɩɩr ne tõnd tʋʋmdã. 18#Mat 27.3-8La rao-kãng rɩka ligd ning a sẽn paam a yel-wẽndã poorẽ wã n da pʋʋgo, la a lʋɩɩme t'a zugã reng taoore, t'a pʋgã pusg t'a yãadã yʋlem. 19La Zeruzalɛm tẽngã nebã fãa wʋma bõn-kãnga. Rẽ n kɩt tɩ b pʋd pʋʋgã yʋʋr ne b buudã goam tɩ «Hakeldama» sẽn dat n togs tɩ zɩɩm pʋʋgo. 20#Yɩɩn 69.26, Yɩɩn 109.8Mik b gʋlsa yɩɩn-sõamyã sebr pʋgẽ n yeel yaa:
«Bɩ a yirã lebg raboogo,
tɩ ned ra zĩnd be ye.
La tɩ ned a to reeg yẽnda tʋʋmdã.»
21-22 #
Mat 3.16, Mark 1.9, Luk 3.21,
Mark 16.19, Luk 24.51 Rẽ wã, tɩ d gẽes neb nins sẽn zĩnd-b ne tõnd wakat ning Zu-soab a Zeezi sẽn dag n tar tõnd n kẽnd la b watẽ, sẽn sɩng ne wakat ning a Zã sẽn lis bãmbã n tãag daar ning Wẽnnaam sẽn zẽk bãmb n bas tõndã sʋka, n yãk ned a yembr t'a naag tõnd n kɩs a Zeezi vʋʋgrã kaseto. 23Bãmb wilga neb a yiibu: A Zozɛf b sẽn boond t'a Barsabaas la b boondẽ me t'a Zustuus ne a Matyaase. 24Dẽ, bãmb fãa pʋʋsa a woto: Zu-soaba, yãmb sẽn mi nebã fãa sũyã, wilg-y ned ning yãmb sẽn yãk bãmb b yiibã sʋka, 25t'a kẽ tʋʋmdã pʋgẽ, n yɩ tẽn-tʋmd n led a Zʋʋdaas zĩigẽ, t'a basame n kẽng zĩig ning sẽn segd ne-a. 26Bãmb maana bãnde n na n yãk ned a yembre, la bãndã yõka a Matyaase. La yẽnda naaga tẽn-tʋmdb piig la a yembrã sullẽ.
Currently Selected:
Tẽn‑tʋmdbã tʋʋmã 1: MPBU
Highlight
Share
Copy
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
