Popular Bible Verses from A Luk koe‑noogo 3

Share

Nebã fãa sẽn paam koom lisgu, a Zeezi me paama lisgu. La bãmb sẽn pʋʋsd wakate, yĩngr pakame, la Sɩɩg-sõng rɩka manwall wẽneg n sig bãmb zugu. Koɛɛg zĩnda saasẽ n yeele: Fo yaa mam bi-ribl-nongr sẽn ta mam yam zãnga.

A Zã leoka bãmb fãa n yeele: Mam lisda yãmb koomẽ. La ned a ye n wata, n tar pãng n yɩɩd maam. Mam pʋs n pa zems tɩ lood bãmb neooda sẽbds ye. Bãmb na n lisa yãmb ne Sɩɩg-sõngo, la ne bugum.

Woto yĩnga, bɩ y wom biis sẽn zemsd ne neb sẽn tek yam n kos sugri, la y da tags y sũyã pʋs t'a Abrahaam sẽn yaa yãmb yaabã sekame ye. Bala, mam yeta yãmb tɩ Wẽnnaam tõe n dɩka kug-kãensã n kɩt tɩ b lebg a Abrahaam yagense.

Larã zoe n bee tɩɩsã yẽgẽ moasã. Dẽ, b na n keega tɩɩg ning fãa sẽn ka womd bi-sõama, n lob bugmẽ.

Yɩɩ wa sẽn gʋls Wẽnnaam no-rɛɛs a Ezayi sebrã pʋgẽ wã: Yaa ned ning koɛɛg sẽn kelemd we-rasempʋɩɩgẽ wã, n yetẽ tɩ: «Maneg-y Zu-soabã sore! Rems-y bãmb so-bugsã tɩ yɩ tɩrse! Londã fãa na n pidsame! Tãmsã ne kunkubã fãa na n sarmame! So-golemsã na n lebga tɩrse, la b na n kõo so-rʋdã! La ninsaal buud fãa na n yãa fãagr ning Wẽnnaam sẽn kõtã.»