Popular Bible Verses from Ebr 12

Share

Bɛa siére zaman gole kɛ lɛ tá wɔ lɛnpɛnɛ, ǹ nə́ ǹ golee Lawa li sii nyɛɛ wɔ nɛ. Bɛ lɛ-n kəni, màn mɛn tumaa bɛ́ wɔa tɔ-wɔ sàabiɛ, ka daa wɔ n piã bɛ nɛ, ka sii baraa kɛ dɔ nɛ n pɛnɛ wɔ ganaa fufuu. Ka daa, baa si a kɔn daa mɛn nə n nyaa wɔ nɛ, wɔ bɛ si ka sii simaa nɛ. Ka daa wɔ ga Yezu ganaa, a din nə golee Lawa li lɛ a giala-kɔle laanka a lɛ pã wole lɛa wɔ foo ne. Nyɛnyɛɛ mɛn bɛ́ koa-n nɛ, á n yii doa bɛ la, á gɛ̀ wɔ gɔn ganaa kɛ si a ganaa, a ga-a sìi lɛa wa. Bɛ kio, á giã gugurubaa ǹ bǎã nɛ Lawa a kii dankan gusin.

Dɛ a doroo din tumaa, a bǎã nɛ, a nyɛnyɛɛ diɛ wa, a n yɔrɔ-kɔsiɛ diɛ. Sɛnɛ bɛ kio, min mɛnɛn nə doroo lɛ yɛ, a là n goɛ̃ ka là nyantoro laanka peperebaa nɛ bɛn ganaa.

Ka n doa ka ga là nyantoro li ka bii ni, ka min din tumaa nɛ, ka *yoreenbaa nɛ. Bɛ̀ bɛ gòɛ̃ ba a-n wa, min kɔ́n ba Dɛnaa yii wa.

Sonbore, ka n taasɛ a din lɛ nɛ, màn mɛn bɛ́ toɛ, ka foo baran ziziɛ̃ ka gù gã wa. Á min baraan piãman si a ganaa.

Wɔ dinin man wɔ gána yɛ, a kiɛ̃ duduu wa. Ka daa wɔ barka da Lawa nɛ. Ka daa wɔ dí nya nɛ ka yɔrɔ kɛ nɛ, kɔɔ̃n a ganaa, bɛ n ka a guguru kɔ nɛ, ka a nyɛ́ɛ baaman nɛ.

Ka ka doroo ǹ dɛ kɛ lɛ si ka ganaa, a giala, Lawa n ka kuĩ ka a nɛnyaanan bɛ́ lɔn. Sonbore, nɛ mɛn nɛ mà ǹ di na a ba dii a doroo wa?

Sonbore, wɔa Lawa lɛ n ka tɛ bɛ́ lɔn, á n màn kuĩ lenlen.

Sonbore, wɔa gɔ̀nɔn siĩ a díin lɛn man nə́ wɔ dɛ, ǹ nə́ wɔ doroo, á kɔnpɛ ǹ dinin dùũ ni biikoo boɛɛn gɔ́ɔ̃ nɛ. Lawa lɛ sɛ n zɛnɛɛ wɔ dinin là a lɛa, á n die wɔ biɛ siĩni ka a din bɛ́ lɔn.

Ka dɔn ziabaa lɛ gɔ́ɔ̃ nɛ, sii baraa-zɛnaalin ganaa, ka tɔn yɔ bɔ á woo dɔ gɛ̀ ganaa wa.