Popular Bible Verses from MNS 13

Share

Min mɛnɛn nə goã ǹ nə́ mɛ Muizu tɔ la ǹ nə́ pii, Kalɛbu paraa, á ǹ da lɛ tã ganaa á pɛ kɛnɛn: «Ka daa wɔ n tan. Wɔsɛn man die gána kɛ lɛ sii wɔ baa wɔa wɔ lɛa, wɔ n boe bɛ la a giala yii li.»

Wɔ min mɛnɛn tumaa yɛ a nɛ, maǹ sɔsɔrɔ. Wɔ́ Anaaki tɔrɔn yɛ a nɛ, bɛa min sasa gegere tɔrɔn kɛn lɛn. Wɔ́ goã giɛ wɔ dinin ganaa bisinin lɛa ǹ genli, ǹ dɔn yii na á goã wɔsɛn ganaa miɛ̃ lɛn.»

Sɛnɛ, giĩn mɛnɛn nə goã ǹ nə́ woo kun ka Kalɛbu lɛ nɛ, bɛn nə́ pɛ mà ǹsɛn ba boe la ǹ zia baa bɛa tɔrɔn kɛn lɛn ganaa wa, a giala, mà pàã tá ǹ lon á la ǹsɛn manɛ.

Ǹ goã ǹ nə́ woo ga gána mɛn lɛ-a, ǹ nə́ tɔ́n bɔ ǹ nə́ mɛ bɛ piɛ̃-bɔ la, Izirayeli minin lɛn yɔrɔ-a ǹ nə́ pɛ: «Wɔsɛn nə gána mɛn lɛ kɔ kɔn wɔ́ ga a ganaa, a na a minin bii.

Maǹ nə́ goã ǹ nə́ boo lɛ yɔrɔ pɛ Muizu-n kɛnɛn: «N wɔsɛn dia gána mɛn lɛ nɛ, wɔ woo. Taãn mà a n pɛ, bɔ̀nyaa laanka zoo nyɔɔ n baa sii a nɛ. A da nɛn nə́ ke.

Sɛn kəni, pàã tá gána lɛ a minin lon, ǹ kiwin nə́ dadara, kungɔn nə́ pɛnɛɛ nɛ ǹ ganaa sɔnbɔraanɛ. Wɔ Anaaki tɔrɔn dinin yɛ a nɛ.

Amalɛki tɔrɔn man giã nɛ a gusin a lɛ̀gɔn la bǎã nɛ, Ɛti tɔrɔn nɛ, Zebuzu tɔrɔn nɛ, ka Amɔɔrɔ tɔrɔn nɛ, bɛn nə́ giã nɛ kele yii kɛ nɛ, Kanaan minin nə́ giã nɛ yìsi mu lɛ-a ka Zurdɛ̃ tà lɛ-a nɛ.»

Ǹ nə́ daa Muizu yaa, ka Aarɔn laanka Izirayeli a zaman lɛ tumaa nɛ, Paran diə gole ne, Kadɛsi. Ǹ yii sii mɛn yɛ, ǹ nə́ bɔ ka bɛa boo ne ǹ nə́ pɛ ǹ tumaa nɛ, ǹ nə́ gána lɛ a da nɛn dɔn nyaa ǹ nɛ.